Bojana hætt með KR og Ragna Lóa tekur við

Bojana Becis hefur óskað eftir því að stíga til hliðar sem þjálfari KR í Pepsi Max-deild kvenna en illa hefur gengið hjá liðinu í sumar.

Liðið er á botni Pepsi Max-deildarinnar með fjögur stig eftir sjötta tapið í átta leikjum á Selfossi í gær er liðið tapaði 1-0.

KR er þó komið í bikarúrslit eftir 1-0 sigur á Tindastól í átta liða úrslitunum en mótherjinn í undanúrslitunum verður Þór/KA.

Bojana óskaði eftir því að hætta með liðið og „er þessi ákvörðun tekin af yfirvegun og í mesta bróðerni“ segir í tilkynningu frá KR.

Ragna Lóa Stefánsdóttir, fyrrum landsliðskona og aðstoðarþjálfari Bojönu, mun taka við liðinu þangað til annað verður ákveðið.