Hólmfríður afgreiddi gömlu félagana

Hólmfríður Magnúsdóttir skoraði eina markið er Selfoss vann 1-0 sigur á KR í áttundu umferð Pepsi Max-deild kvenna en liðin mættust á Selfossi í dag.

Fyrsta og eina markið kom strax á tuttugustu mínútu en Hólmfríður skoraði þá. Hún lék með KR frá 2000 til 2008 og svo aftur tímabilð 2017.

Selfoss er komið upp í fjórða sæti deildarinnar eftir sigurinn en þær eru með tíu stig, fjórum stigum á eftir Þór/KA sem er í þriðja sætinu.

KR-liðið er hins vegar á botni deildarinnar með fjögur stig, tveimur stigum frá öruggu sæti.