Mjólk í vegan hrískökum

Heilsa ehf. hefur, í samráði við matvælaeftirlit Heilbrigðiseftirlits Reykjavíkur, innkallað vegan hrískökurnar Amisa Organic Lactose Free Rice Milk Chocolate Rice Cakes. Að sögn Matvælastofnunar er varan kölluð inn vegna þess að í henni fannst ómerktur ofnæmisvaldur - mjólk.

Samkvæmt matvælalöggjöfinni eiga ofnæmis- eða óþolsvaldar að koma skýrt fram á umbúðum matvæla sem ekki er raunin í tilfelli hrískakanna.

Viðskiptavinir sem keypt hafa vöruna og eru með ofnæmi- eða óþol fyrir mjólk og mjólkurafurðum eru hvattir til að neyta hennar ekki og farga eða skila henni í versluninni þar sem hún var keypt. Nánari upplýsingar veitir Heilsa ehf. í síma 517 0670.

Eftirfarandi upplýsingar auðkenna vöruna sem innköllunin einskorðast við:

Vörumerki: Amisa. 

Vöruheiti: Organic Lactose Free Rice Milk Chocolate Rice Cakes. 

Strikanúmer: 5032722312814.

Best fyrir: 15.11.2019.

Nettómagn: 100 g.

Framleiðandi: Windmill Organics, Bretlandi.

Innflytjandi: Heilsa ehf., Bæjarflöt 1-3, 112 Reykjavík.

Dreifing: Verslanir Heilsuhússins, Nettó og Melabúðarinnar.