Sjáðu mörkin úr sigri FH í Eyjum

Steven Lennon skoraði bæði mörk FH þegar liðið lagði ÍBV að velli, 1-2, í eina leik dagsins í Pepsi Max-deild karla.

Þetta var annar sigur FH-inga í röð. Þeir eru í 5. sæti deildarinnar með 19 stig.

Eyjamenn eru hins vegar búnir að tapa fimm leikjum í röð, eru enn á botni deildarinnar og sex stigum frá öruggu sæti.

Lennon kom FH yfir með marki úr vítaspyrnu á 35. mínútu. Þegar 20 mínútur voru eftir bætti hann öðru marki við.

Gary Martin minnkaði muninn úr vítaspyrnu á lokamínútunni með sínu fyrsta marki fyrir ÍBV en nær komust Eyjamenn ekki.

Mörkin úr leiknum má sjá hér fyrir neðan.