Annar spænskur miðjumaður til KA

Ingvi Þór Sæmundsson skrifar 24. júlí 2019 17:51

David Cuerva og Óli Stefán Flóventsson, þjálfari KA, handsala samninginn. mynd/ka

KA hefur samið við spænska miðjumanninn David Cuerva út tímabilið. Þetta kemur fram á heimasíðu KA.

Cuerva er annar spænski miðjumaðurinn sem KA fær til sín í júlíglugganum. Daníel Hafsteinsson er hins vegar farinn til Helsingborg.

Í síðustu viku gekk Iosu Villar til liðs við KA. Hann lék sinn fyrsta leik fyrir liðið þegar það gerði 1-1 jafntefli við ÍA á sunnudaginn.

Cuerva, sem er 28 ára, lék síðast með Nongbua í Taílandi. Hann hóf ferilinn hjá Villarreal en náði ekki að brjóta sér leið inn í aðallið félagsins. Cuerva hefur lengst af leikið í neðri deildunum á Spáni.

Næsti leikur KA er gegn FH á Greifavellinum á Akureyri á sunnudaginn.

Pepsi Max-deild karla

Tengdar fréttir

KA kallar varnarmann til baka úr Ólafsvík

Varnarmaðurinn Ívar Örn Árnason hefur verið kallaður til baka í Pepsi-Max deildarlið KA úr láni frá Inkasso deildarliði Víkings í Ólafsvík.

18. júlí 2019 08:30

KA fær spænskan miðjumann

KA hefur fengið til sín spænskan miðjumann til þess að fylla skarð Daníels Hafsteinssonar.

19. júlí 2019 12:21

Sjáðu frábært mark Kolbeins og mörkin úr jafnteflinu fyrir norðan

Eyjamenn eru í vandræðum en Fylkir lyfti sér upp töfluna. Stig gerði lítið fyrir KA en hélt ÍA áfram í Evrópubaráttu.

21. júlí 2019 20:30

Umfjöllun, viðtöl og einkunnir: KA 1-1 ÍA │Stál í stál á Akureyri

Skagamenn sóttu eitt stig norður til Akureyrar í Pepsi-Max deild karla í dag.

21. júlí 2019 20:30

Helsingborg tilkynnti komu Daníels

Daníel Hafsteinsson er formlega orðinn leikmaður sænska liðsins Helsingborg eftir að hafa skrifað undir þriggja og hálfs árs samning hjá félaginu í dag.

17. júlí 2019 15:16