Natalie Portman mun fara með hlutverk Þórs í næstu stórmynd Marvel um þrumuguðinn sem áætlað er að verði frumsýnd haustið 2021. Þetta kom fram í kynningu Marvel í gær á Comic-Con ráðstefnunni sem nú fer fram í San Diego í Bandaríkjunum.
Þar kynnti Marvel þær fjölmörgu kvikmyndir sem væntanlegar eru frá kvikmyndaverinu fram að árinu 2021. Kvikmyndin verður sú fjórða úr smiðju Marvel um Þór og hefur hlotið heitið Thor: Love and Thunder.
Portman lék Jane Foster í fyrstu tveimur myndunum um þrumuguðinn og mun að þessu sinni taka við hamrinum Mjölni. Einnig var greint frá því að Tessa Thompson muni snúa aftur í myndinni sem Valkyrja.
Natalie Portman mun taka við hlutverki Þórs
Tengdar fréttir
Waititi snýr aftur og leikstýrir fjórðu myndinni um Þór
Nýsjálenski leikstjórinn Taika Waititi hefur verið ráðinn leikstjóri fjórðu Marvel-myndarinnar um þrumuguðinn Þór en Waititi leikstýrði einnig þriðju myndinni, Thor: Ragnarok sem kom út árið 2017.
Rúmlega þrjátíu þúsund Íslendingar séð Avengers: Endgame
Myndin hefur verið til sýninga í fimm daga.
Marvel slær öll met
Eins og milljarðamæringurinn sérvitri Tony Stark sagði eitt sinn skiptir ekki máli hversu ríkur þú ert, þú getur ekki keypt þér tíma.
