Þessi nítján ára stelpa var að keppa við tennisgoðsögnina Serena Williams en Williams gat ekki klárað leikinn. Serena varð að gefa leikinn vegna bakmeiðsla. Þetta var strax í fyrsta setti en staðan var orðin 3-1 fyrir Biöncu Andreescu.
Þegar Bianca Andreescu frétti af vandræðum Serenu þá fór hún til hennar og úr varð mjög hjartnæm stund sem náðist á myndband.
Serena Williams had to retire from her match against Bianca Andreescu.
Andreescu made sure to show her respect pic.twitter.com/sXRM0CPX7Z
— Yahoo Sports (@YahooSports) August 11, 2019
Serena Williams var grátandi og algjörlega miður sín yfir því að þurfa að gefa úrslitaleikinn.
Bianca Andreescu sýndi mikinn þroska og mikla virðingu fyrir þessum margfalda meistara þegar hún hughreysti hana á þessari erfiðu stundu.
Andreescu var að vinna titil á heimavelli en gaf sér tíma með Williams í stað þess að fagna titlinum. Á endanum fékk hún Serenu Williams til að brosa í gegnum tárin. Andreescu fékk líka mikið hrós fyrir framgöngu sína.
„Ég táraðist af því að hún fór að gráta. Ég veit hvernig henni líður því það er ömurlegt að meiðast,“ sagði Bianca Andreescu á blaðamannafundi.
A back injury forced Serena Williams to retire from her Rogers Cup final against Bianca Andreescu.
Andreescu didn't think twice about showing the ultimate display of sportsmanship. https://t.co/YgRmOrLAXK
— USA TODAY Sports (@usatodaysports) August 11, 2019
Serena Williams hrósaði henni líka fyrir framgönguna. „Ég var mjög leið og hún fékk mig til að líða mun betur. Það var mjög almennilegt af henni. Hún er frábær persónuleiki,“ sagði Serena Williams um Biöncu Andreescu.
„Hún er aðeins nítján ára gömul. Hún lítur ekki út fyrir það að vera nítján ára miðað við hvað hún segir og hvernig hún spilar það er ekki að heyra á hennar orðum eða sjá á hennar hugarfari,“ sagði Serena.
“I’m not a crier,” Serena Williams said, “but ... thank you all” https://t.co/39SZRelVgb
— Post Sports (@PostSports) August 11, 2019