![Fréttamynd](/static/frontpage/images/kvoldfrettir.jpg)
Játuðu á sig morðin áður en þeir sviptu sig lífi
![Mennirnir tveir sem lýst var eftir í sumar vegna þriggja morða.](https://www.visir.is/i/05A12DCD9AAAF513EF3D48BFBF8E9A57AB22A5B7536DB8368247C0D3608684BC_713x0.jpg)
Mál táninganna tveggja sem voru átján og nítján ára gamlir vakti mikla athygli. Leitað var að þeim um allt Kanada eftir að þrír voru myrtir í norðanverðri Bresku Kólumbíu í júlí. Piltarnir tveir fundust svo látnir í skóglendi í Manitoba, um 3.300 kílómetrum frá vettvangi morðanna, 7. ágúst.
Breska ríkisútvarpið BBC hefur eftir kanadísku riddaralögreglunni að myndbönd og myndir hafi fundist á myndavél nærri líkum piltanna. Í því fyrsta viðurkennir annar þeirra að þeir hafi myrt fólkið. Þeir tala svo um áform um að ræna bát til að flýja til Evrópu eða Afríku.
Í öðru myndbandi segir annar þeirra að þeir hafi komið að straumþungri á og að þeir gætu þurft að svipta sig lífi. Ítreka þeir að þeir hafi framið morðin án þess þó að lýsa neinni eftirsjá. Í enn öðru myndbandi segjast þeir ætla að drepa fleira fólk.
„Morðin virðast hafa verið handahófskennd og tækifærisglæpir,“ sagði Kevin Hackett, aðstoðarlögreglustjóri riddaralögreglunnar á blaðamannafundi.
Tvímenningarnir voru frá Vancouver-eyju en voru á leið til Júkon þegar þeirra var saknað um miðjan júlí. Leit hófst að þeim eftir að lík kærustupars á þrítugsaldri og kanadísks grasafræðings á sjötugsaldri fundust. Fólkið var allt skotið til bana í norðurhluta Bresku Kólumbíu.
Tengdar fréttir
![](https://www.visir.is/i/6FE57DFA2D73B934818B6AD68A56BAFF3138A88D5772FEB91EBC40121D519F5F_308x200.jpg)
Óttast að sonur sinn sækist eftir skelfilegum örlögum
Faðir annars unglingsins sem grunaður er um morðin á tveimur ferðamönnum í Kanada segist óttast að flótti drengjanna undan lögreglu hljóti hörmulegan enda.
![](https://www.visir.is/i/05D0E5189460D509698D112263307513E0F4EC2623579474779FA14C0E6DA283_308x200.jpg)
Drengirnir grunaðir um morðin fundust látnir
Leit hafði staðið yfir að drengjunum, þeim Kam McLeod og Bryer Schmegelsky, í um það bil tvær vikur.
![](https://www.visir.is/i/67A66F44C35A9533F1B7A745D4B5A6A275174476C7E25B3D216154FCD55AF22E_308x200.jpg)
Uggandi yfir mögulegri tengingu milli morðanna
Lögregla í Kanada rannsakar nú þrjú grunsamleg dauðsföll og tvö mannshvörf í British Columbia en síðast sást til allra hlutaðeigandi við afskekktan þjóðveg.
![](https://www.visir.is/i/05D0E5189460D509698D112263307513E0F4EC2623579474779FA14C0E6DA283_308x200.jpg)
Táningar taldir hafa myrt par á ferðalagi í Kanada
Tveir kanadískir unglingar sem taldir eru vera á flótta eru nú grunaðir um að hafa myrt par á þrítugsaldri en lík þeirra fundust við afskekktan þjóðveg á mánudaginn í síðustu viku í Bresku Kólumbíu.
![](https://www.visir.is/i/05D0E5189460D509698D112263307513E0F4EC2623579474779FA14C0E6DA283_308x200.jpg)
Grunaðir morðingjar taldir hafa dulbúið sig til að forðast lögreglu
Kanadíska lögreglan segir tvo unglinga sem grunaðir eru um að hafa myrt þrjá einstaklinga getað hafa sloppið úr klóm lögreglunnar með því að dulbúa sig.
![](https://www.visir.is/i/05D0E5189460D509698D112263307513E0F4EC2623579474779FA14C0E6DA283_308x200.jpg)
Drengirnir sem grunaðir voru um morðin frömdu sjálfsvíg
Búið er að staðfesta að Bryer Schmegelsky og Kam McLeod, sem fundust látnir í norðurhluta Manitoba í Kanada, hafi framið sjálfsvíg.