Rúnar Alex og Guðlaugur Victor úr leik

Það gekk illa hjá Íslendingunum sem voru í eldlínunni í bikarkeppnum á meginlandi Evrópu í kvöld.

Rúnar Alex Rúnarsson fékk tækifærið á milli stanganna hjá Dijon á nýjan leik, en hann hefur ekkert komið við sögu í síðustu sjö deildarleikjum.

Það fór þó ekki sérlega vel hjá íslenska landsliðsmannium en hann fékk á sig tvö mörk og féll Dijon úr leik í frönsku bikarkeppninni fyrir hendi Bordeaux.

Guðlaugur Victor Pálsson var í byrjunarliði Darmstadt sem tapaði fyrir Karlsruher 1-0 í þýsku bikarkeppninni.