Hörkustuð í útgáfuteiti Eddu Hermanns

Edda Hermannsdóttir hélt útgáfuboð á Vinnustofu Kjarval á þriðjudaginn til að fagna bókinni Framkoma.

Bókin hefur setið á metsölulistum frá útgáfu. Í bókinni er farið yfir æfingar og ráð í framkomu á ólíkum sviðum. Edda er markaðs- og samskiptastjóri Íslandsbanka en þetta er hennar önnur bók. 

 Árið 2017 gaf hún út bókina Forystuþjóð ásamt Ragnhildi Steinunni Jónsdóttur. Eins og sjá má á myndunum hér að neðan var fullt út úr húsi og mikil stemning. Það var ljósmyndarinn Haraldur Guðjónsson sem tók meðfylgjandi myndir.