Svona grillar maður kjúklingasleikjó á einfaldan máta

Grindvíkingurinn Alfreð Fannar Björnsson er án efa mesti dellumaður landsins, tekur allt með trompi hvort sem það snýr að veiðinni, bílasprautun eða öðru. 

Og er nýjasta æðið hans að grilla. Og þá þýðir ekkert að eiga eitt grill, heldur á Alfreð sex grill.

Hann hefur vakið svo mikla athygli á Instagram fyrir eldamennsku að nú er hann kominn með sex þátta seríu, BBQ kóngurinn, sem fór af stað á dögunum á Stöð 2.

Í þættinum í gær sýndi Alfreð hvernig best sé að matreiða og grilla kjúklingasleikjó á mjög einfaldan máta og alveg löðrandi í BBQ sósu eins og sjá má hér að neðan.