Bibba leitar inn í innsta hring Gumma Ben eftir liðsfélögum í #Teambibba. Myndaleikurinn #icelandisopen stendur nú sem hæst og Gummi og Bibba slaka ekkert á í keppninni um hvort þeirra nær að smala fólki í leikinn.
Allir geta tekið þátt í leiknum sem snýst um að taka myndir af Íslandi og merkja þær #icelandisopen. Í pottinum eru 15 ferðavinningar, innanlands og utan.
Hægt er að kynna sér leikinn nánar á heimasíðunni icelandisopen.is. Hægt að setja inn myndir til 26. júní. Þá velja fulltrúar Icelandair bestu myndirnar og í gang fer kosning hér á Vísi þar sem þjóðin velur sína uppáhalds mynd. Sú kosning stendur frá 26. júní til 3. júlí. Hver sem er getur tekið þátt á Instagram og/eða Facebook en myndirnar verða að vera teknar á tímabilinu 25. maí til 26. júní.
