Zlatan Ibrahimovic spilaði sinn fyrsta leik fyrir AC Milan í endurkomunni í ítalska boltanum á mánudaginn.
Zlatan kom þá inn á sem varamaður í upphafi síðari hálfleiks er Milan gerði markalaust jafntefli við Sampdoria á heimavelli.
Hann var að snúa aftur til Milan eftir að hafa leikið í Bandaríkjunum undanfarin ár en með því að spila árið 2020 hefur Zlatan afrekað það að spila á fjórum áratugum.
ICYMI: Zlatan has now played in four different decades.
— MailOnline Sport (@MailSport) January 9, 2020
Iconic.#ThursdayThoughtspic.twitter.com/RCdQEJgt4P
Hann byrjaði sinn feril með Malmö þar sem hann lék sinn fyrsta leik árið 1999 en þaðan lá leiðin til Ajax á næsta áratugi.
Hann var þar frá 2001 til 2004 en á þeim áratugi spilaði hann einnig með Juventus, Inter og Barcelona.
Næsti áratugur bauð svo upp á AC Milan, PSG, Manchester United og LA Galaxy. Fjórði áratugurinn á ferli Zlatan hófst svo með leiknum á mánudaginn.
Zlatan verður mögulega kominn í byrjunarliðið hjá Mílanó-liðinu á sunnudaginn er liðið mætir Cagliari á útivelli.
