Carlo Ancelotti, knattspyrnustjóri Everton, var ekki úrskurðaður í leikbann vegna framkomu sinnar í garð dómarans Chris Kavanagh á sunnudag.
Ancelotti las Kavanagh pistilinn eftir jafntefli Everton og Manchester United en hann var afar óánægður með að mark sem Everton skoraði í uppbótartíma skyldi ekki fá að standa. Markið var dæmt af þar sem Gylfi Þór Sigurðsson var dæmdur rangstæður þar sem hann lá fyrir framan David de Gea, markvörð United, þegar skot Dominic Calvert-Lewin fór af Harry Maguire og í netið.
Ancelotti hreyfði engin andmæli við kæru enska knattspyrnusambandsins þess efnis að hann hefði hagað sér ósæmilega en hann þarf að greiða 8.000 pund í sekt, jafnvirði um 1,3 milljónar króna. Með því að viðurkenna sök slapp Ítalinn við leikbann.
Ancelotti verður því til staðar þegar Everton sækir Chelsea heim á sunnudaginn í ensku úrvalsdeildinni.
Ancelotti viðurkenndi að hafa látið illa
Tengdar fréttir
Það VAR dramatík á Goodison | Ótrúlegar lokamínútur á Goodison
Lokamínútur leiks Everton og Manchester United í ensku úrvalsdeildinni voru hreint út sagt ótrúlegar þar sem myndbandsdómgæsla kom mikið við sögu. Lokatölur 1-1 þar sem Gylfi Þór Sigurðsson var dæmdur rangstæður undir lok leiks.
Ancelotti veit það á miðvikudag hvort hann fái bann fyrir að mótmæla rangstöðu Gylfa
Carlo Ancelotti, knattspyrnustjóri Everton, gæti verið á leiðinni í leikbann eftir að hafa fengið rautt spjald eftir leik Everton og Manchester United í gær.
Ancelotti kærður en fær ekki bann
Enska knattspyrnusambandið ákvað í gær að kæra Carlo Ancelotti, stjóra Everton, fyrir hegðun sína eftir leik Everton og Man. Utd.
