Horfum á heildarmyndina Guðrún Hildur Ragnarsdóttir skrifar 16. nóvember 2020 09:30 Mikið hefur verið ritað og talað um breytt landslag í ferðaþjónustu upp á síðkastið, bæði hvaða leiðir hægt er að fara til að sporna við kostnaði og mögulegu gjaldþroti, og einnig hvað við getum gert til þess að auka samkeppnishæfni okkar og sýnileika úti í hinum stóra heimi. Það er eðlilegt og sjálfsagt að eigendur ferðaþjónustufyrirtækja leiti allra leiða til að komast af í þessu árferði og er niðurskurður oftar en ekki ein af fáum eða jafnvel eina lausnin, hvort sem það sé gert í gegnum starfsmannahald eða fasta og breytilega kostnaðarliði. Það er erfitt að komast hjá föstum kostnaði og því er saxað á þá breytilegu sem markaðssetning fellur meðal annars undir. Markaðssetning til erlendra ferðamanna getur verið mjög kostnaðarsöm og krefst mikillar vinnu og það er því ekki á færi allra að ráða utanaðkomandi aðila til að sinna því verkefni. Hættulegt er þó að líta framhjá gríðarlegu vægi markaðssetningar á komandi misserum þar sem nauðsynlegt er að byggja okkur örugglega upp aftur eftir þann samdrátt sem hefur átt sér stað. En í hverju felst markaðssetning og hvaða tól getum við notað til þess að gera okkur sýnileg á innlendum sem og erlendum markaði? Leiðin liggur í loftinu Við viljum geta boðið upp á okkar þjónustu á réttu verði fyrir rétta gestinn á réttum tíma. Í markaðssetningu í dag eru nokkrar grunnstoðir og mikilvægt er að kynna sér vel hvaða leiðir hægt er að fara. Sem dæmi má nefna samfélagsmiðla, líkt og Instagram og Facebook, net- og fréttamiðla, eða samstarfsaðila, eins og ferðaskrifstofur og bókunarsíður. Margir hafa nýtt sér Instagram og Facebook til að auglýsa sig, sérstaklega í ár og þá helst á innanlandsmarkaði. Annað sem ekki er síður mikilvægt þegar kemur að markaðssetningu er heimasíða með uppfærðum upplýsingum og nýlegum myndum til að auka traust sem stuðlar að jákvæðum áhrifum á beinar bókanir. Það er þó ekki nóg að vinna með innlenda markaðinn heldur þarf einnig að leggja áherslu á ytri markaðssetningu í gegnum samstarfsaðila. Langflestir ferðaþjónustuaðilar nýta sér samstarf í gegnum ferðaskrifstofur sem fá bæði stafrænt og útprentað auglýsingaefni frá þessum aðilum. Það getur skilað stórum kúnnahópum, sérstaklega á sumrin, á meðan samstarf við bókunarsíður skilar miklum fjölda einstaklingsmiðaðra bókana sem dreifist betur yfir árið. Rétt eins og með ferðaskrifstofurnar eru allir með sína sérstöðu og sterkir á ákveðnum mörkuðum, til að mynda hefur Markaðsstofa Norðurlands náð miklum árangri með samstarfi við erlendar ferðaskrifstofur sem fljúga beint á Akureyri . Bókunarsíður leggja áherslu á að fjárfesta í markaðssetningu og markaður eins og Ísland getur haft mikil áhrif, til dæmis með því að taka þátt í stórum herferðum. Þessar herferðir hafa skilað íslenskri gistiþjónustu fleiri þúsundum gistinátta og þar með haft hliðaráhrif á aðra ferðatengda þjónustu. Vegna öflugrar markaðssetningar stóru bókunarsíðanna eru fleiri milljónir gesta sem skoða síðurnar á ári hverju. Það er óneitanlega hægt segja að íslensk ferðaþjónusta hafi hagnast mikið á samstarfi við ferðaskrifstofur og bókunarsíður, enda er hlutfallið af heildarbókunum þeirra mun hærra í samanburði við beinar bókanir. Ferðaþjónustufyrirtæki út um allan heim hafa valið að nýta sér markaðssetningu og þjónustu þessara aðila og því er í raun ekki skrítið að hlutfallið sé svo hátt. Komum Íslandi aftur á kortið Almenn markaðssetning verður einnig mikilvæg þegar markaðssetja á áfangastaðinn Ísland á ný eftir farsóttartíma. Íslandsstofa sem keyrir herferðir á hverju ári hefur fengið það stóra og mikilvæga verkefni að koma Íslandi á framfæri erlendis, með góðum styrk frá íslenska ríkinu. Það eru því margar hendur sem koma að markaðssetningu á Íslandi. Nú er einmitt tíminn til að horfa til framtíðar í markaðssetningu og dreifa henni á markaði sem hafa verið okkur mikilvægir hingað til, en einnig á þá markaði sem við teljum okkur eiga möguleika á að komast inn á. Við verðum að vera klár í slaginn þegar allt kemst í eðlilegra horf og líta til þeirra miðla sem eru skila mestum árangri. Í núverandi ástandi skiptir máli að Ísland sem áfangastaður sé sem sýnilegastur á arðbærum mörkuðum og hefur Íslandsstofa unnið með helstu alþjóðlegu auglýsingastofum til að koma okkur á framfæri. Ferðaskrifstofur setja fókusinn á hópa- og einstaklingsmiðaðar ferðir og bókunarsíður herja á breiðan markað með ýmsum leiðum. Mikilvægt er að horfa til þeirrar markaðssetningar sem hefur reynst okkur vel og treysta á að hún muni aðstoða okkur við að auka og efla eftirspurn þegar fram líða stundir. Það er mikilvægt að horfa á heildarmyndina þegar fjallað er um áfangastaðinn Ísland. Nýtum þau tæki og tól sem við höfum og verum klár í slaginn um leið og færi gefst! Höfundur er viðskiptastjóri hjá Expedia Group. Viltu birta grein á Vísi? Sendu okkur póst. Senda grein Ferðamennska á Íslandi Mest lesið Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun Munar þig um 5-7 milljónir árlega? Jón Pétur Zimzen Skoðun Skýr stefna um málfrelsi Róbert H. Haraldsson Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun Keldnaland – fjölmenn hverfi í mótun Þorsteinn R. Hermannsson Skoðun Eflum traustið Helgi Áss Grétarsson,Marta Guðjónsdóttir Skoðun Hver er kjarninn í samfélagi sem selur hjarta sitt? Trausti Breiðfjörð Magnússon Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun Vindorkuvæðing í skjóli nætur Kristín Helga Gunnarsdóttir Skoðun Framtíð nemenda í Kópavogi í fyrsta sæti Halla Björg Evans Skoðun Skoðun Skoðun Kosningar í september Guðveig Lind Eyglóardóttir skrifar Skoðun Þegar orkuöflun er sett á ís - dæmið frá Suður-Afríku Hallgrímur Óskarsson skrifar Skoðun Framtíð nemenda í Kópavogi í fyrsta sæti Halla Björg Evans skrifar Skoðun Skýr stefna um málfrelsi Róbert H. Haraldsson skrifar Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar Skoðun Munar þig um 5-7 milljónir árlega? Jón Pétur Zimzen skrifar Skoðun Keldnaland – fjölmenn hverfi í mótun Þorsteinn R. Hermannsson skrifar Skoðun Eflum traustið Helgi Áss Grétarsson,Marta Guðjónsdóttir skrifar Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson skrifar Skoðun Hver er kjarninn í samfélagi sem selur hjarta sitt? Trausti Breiðfjörð Magnússon skrifar Skoðun Seljum börnum nikótín! Hugi Halldórsson skrifar Skoðun Sundrung á vinstri væng Jökull Sólberg Auðunsson skrifar Skoðun Þegar samfélagið missir vinnuna Hrafn Splidt Þorvaldsson skrifar Skoðun Akademískt frelsi og ókurteisi Kolbeinn H. Stefánsson skrifar Skoðun Hvar liggur ábyrgð hins fullorðna á hegðun ungmenna í samfélaginu? Rakel Guðbjörnsdóttir skrifar Skoðun Yfir hverju er verið að brosa? Árni Kristjánsson skrifar Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson skrifar Skoðun Stjórnvöld sem fjárfestatenglar Baldur Thorlacius skrifar Skoðun Ákall til ESB-sinna: Hvar eru undanþágurnar? Einar Jóhannes Guðnason skrifar Skoðun Er ég ömurlegt foreldri ef ég segi nei við barnið mitt? Stefán Þorri Helgason skrifar Skoðun Vindorkuvæðing í skjóli nætur Kristín Helga Gunnarsdóttir skrifar Skoðun Þátttökuverðlaun Þórdísar Ragnar Þór Pétursson skrifar Skoðun Fjármálaráðherra búinn að segja A Ögmundur Jónasson skrifar Skoðun Hagfræði-tilgáta ómeðtekin Karl Guðlaugsson skrifar Skoðun Ótryggt aðgengi á Veðurstofureit Friðjón R. Friðjónsson skrifar Skoðun Stattu vörð um launin þín Davíð Aron Routley skrifar Skoðun Byggjum fyrir eldra fólk, ekki ungt Ólafur Margeirsson skrifar Skoðun Hlustum í eitt skipti á foreldra Jón Pétur Zimsen skrifar Skoðun Hugleiðingar um ástandið fyrir botni Miðjarðarhafs Örn Sigurðsson skrifar Skoðun Heildstætt heilbrigðiskerfi – hagur okkar allra Alma D. Möller skrifar Sjá meira
Mikið hefur verið ritað og talað um breytt landslag í ferðaþjónustu upp á síðkastið, bæði hvaða leiðir hægt er að fara til að sporna við kostnaði og mögulegu gjaldþroti, og einnig hvað við getum gert til þess að auka samkeppnishæfni okkar og sýnileika úti í hinum stóra heimi. Það er eðlilegt og sjálfsagt að eigendur ferðaþjónustufyrirtækja leiti allra leiða til að komast af í þessu árferði og er niðurskurður oftar en ekki ein af fáum eða jafnvel eina lausnin, hvort sem það sé gert í gegnum starfsmannahald eða fasta og breytilega kostnaðarliði. Það er erfitt að komast hjá föstum kostnaði og því er saxað á þá breytilegu sem markaðssetning fellur meðal annars undir. Markaðssetning til erlendra ferðamanna getur verið mjög kostnaðarsöm og krefst mikillar vinnu og það er því ekki á færi allra að ráða utanaðkomandi aðila til að sinna því verkefni. Hættulegt er þó að líta framhjá gríðarlegu vægi markaðssetningar á komandi misserum þar sem nauðsynlegt er að byggja okkur örugglega upp aftur eftir þann samdrátt sem hefur átt sér stað. En í hverju felst markaðssetning og hvaða tól getum við notað til þess að gera okkur sýnileg á innlendum sem og erlendum markaði? Leiðin liggur í loftinu Við viljum geta boðið upp á okkar þjónustu á réttu verði fyrir rétta gestinn á réttum tíma. Í markaðssetningu í dag eru nokkrar grunnstoðir og mikilvægt er að kynna sér vel hvaða leiðir hægt er að fara. Sem dæmi má nefna samfélagsmiðla, líkt og Instagram og Facebook, net- og fréttamiðla, eða samstarfsaðila, eins og ferðaskrifstofur og bókunarsíður. Margir hafa nýtt sér Instagram og Facebook til að auglýsa sig, sérstaklega í ár og þá helst á innanlandsmarkaði. Annað sem ekki er síður mikilvægt þegar kemur að markaðssetningu er heimasíða með uppfærðum upplýsingum og nýlegum myndum til að auka traust sem stuðlar að jákvæðum áhrifum á beinar bókanir. Það er þó ekki nóg að vinna með innlenda markaðinn heldur þarf einnig að leggja áherslu á ytri markaðssetningu í gegnum samstarfsaðila. Langflestir ferðaþjónustuaðilar nýta sér samstarf í gegnum ferðaskrifstofur sem fá bæði stafrænt og útprentað auglýsingaefni frá þessum aðilum. Það getur skilað stórum kúnnahópum, sérstaklega á sumrin, á meðan samstarf við bókunarsíður skilar miklum fjölda einstaklingsmiðaðra bókana sem dreifist betur yfir árið. Rétt eins og með ferðaskrifstofurnar eru allir með sína sérstöðu og sterkir á ákveðnum mörkuðum, til að mynda hefur Markaðsstofa Norðurlands náð miklum árangri með samstarfi við erlendar ferðaskrifstofur sem fljúga beint á Akureyri . Bókunarsíður leggja áherslu á að fjárfesta í markaðssetningu og markaður eins og Ísland getur haft mikil áhrif, til dæmis með því að taka þátt í stórum herferðum. Þessar herferðir hafa skilað íslenskri gistiþjónustu fleiri þúsundum gistinátta og þar með haft hliðaráhrif á aðra ferðatengda þjónustu. Vegna öflugrar markaðssetningar stóru bókunarsíðanna eru fleiri milljónir gesta sem skoða síðurnar á ári hverju. Það er óneitanlega hægt segja að íslensk ferðaþjónusta hafi hagnast mikið á samstarfi við ferðaskrifstofur og bókunarsíður, enda er hlutfallið af heildarbókunum þeirra mun hærra í samanburði við beinar bókanir. Ferðaþjónustufyrirtæki út um allan heim hafa valið að nýta sér markaðssetningu og þjónustu þessara aðila og því er í raun ekki skrítið að hlutfallið sé svo hátt. Komum Íslandi aftur á kortið Almenn markaðssetning verður einnig mikilvæg þegar markaðssetja á áfangastaðinn Ísland á ný eftir farsóttartíma. Íslandsstofa sem keyrir herferðir á hverju ári hefur fengið það stóra og mikilvæga verkefni að koma Íslandi á framfæri erlendis, með góðum styrk frá íslenska ríkinu. Það eru því margar hendur sem koma að markaðssetningu á Íslandi. Nú er einmitt tíminn til að horfa til framtíðar í markaðssetningu og dreifa henni á markaði sem hafa verið okkur mikilvægir hingað til, en einnig á þá markaði sem við teljum okkur eiga möguleika á að komast inn á. Við verðum að vera klár í slaginn þegar allt kemst í eðlilegra horf og líta til þeirra miðla sem eru skila mestum árangri. Í núverandi ástandi skiptir máli að Ísland sem áfangastaður sé sem sýnilegastur á arðbærum mörkuðum og hefur Íslandsstofa unnið með helstu alþjóðlegu auglýsingastofum til að koma okkur á framfæri. Ferðaskrifstofur setja fókusinn á hópa- og einstaklingsmiðaðar ferðir og bókunarsíður herja á breiðan markað með ýmsum leiðum. Mikilvægt er að horfa til þeirrar markaðssetningar sem hefur reynst okkur vel og treysta á að hún muni aðstoða okkur við að auka og efla eftirspurn þegar fram líða stundir. Það er mikilvægt að horfa á heildarmyndina þegar fjallað er um áfangastaðinn Ísland. Nýtum þau tæki og tól sem við höfum og verum klár í slaginn um leið og færi gefst! Höfundur er viðskiptastjóri hjá Expedia Group.
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar
Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson skrifar
Skoðun Hvar liggur ábyrgð hins fullorðna á hegðun ungmenna í samfélaginu? Rakel Guðbjörnsdóttir skrifar
Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson skrifar
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun