Svona reiðir maður fram há­tíðar­vega­n­eftir­rétt

Allt frá klassískum uppstúf, sykurbrúnuðum kartöflum og gljáa á hrygginn yfir í nýjar hugmyndir, líkt og vegan lausnir, Ketó jól, 12 tíma graflax og fleira.

Áherslan er sett á stóru smáatriðin sem fullkomna matinn um hátíðirnar.

Í ellefta þættinum fer Júlía Sif yfir það hvernig hægt er að reiða fram girnilega vegan hátíðareftirrétt.

Ljúffengur hátíðareftirréttur

● Lakkrístoppar

○ 9 msk aquafaba (vökvinn sem er úr dós af kjúklingabaunum)

○ 300 gr púðursykur

○ 150 gr vegan pralín súkkulaði frá Nóa Síríus

● 1 ferna vegan rjómi sem hægt er að þeyta (t.d. Rjóminn frá Aito)

● Jarðarber

● Bláber

● 1 plata vegan pralín súkkulaðið frá Nóa síríus

Aðferð:

Byrjið á því að baka lakkrístoppana

Hitið ofninn í 150 gráður.

Þeytið aquafaba (kjúklingabaunavökvan) í hrærivél á hæsta styrk þar til það verður að þykkri froðu. Því lengur sem það er þeytt því betra

Bætið púðursykrinum mjög hægt út í, sirka 1 msk í einu, á meðan að hrærivélin hrærir á miðlungs styrk. Setjið hrærivélina á hæsta styrk þegar allur púðursykurinn er komin út í og hrærið þar til það verður mjög stíft og hægt er að hvolfa skálinni án þess að deigið hreyfist neitt til að lekur úr skálinni.

Saxið súkkulaðið niður og veltið því saman við deigið varlega með sleikju.

Setjið litla toppa á bökunarplötu með smjörpappír og bakið í 150 gráðu heitum ofni í 16 mínútur.

Leyfið toppunum að kólna á plötunni í sirka 15 mínútur áður en þeir eru teknir af henni.

Til að útbúa eftirréttinn, þeytið þið rjómann og skerið niður súkkulaðið og berin.

Myljið sirka 10 til 12 litla toppa út í rjómann og hrærið saman við ásamt niðurskornum berjunum og súkkulaðinu. Eða raðið hráefnunum í falleg glös í lögum eins og sýnt er í þættinum.