Fíkn er sjúkdómur! Sigurður Páll Jónsson skrifar 11. febrúar 2021 12:30 Að sópa rykinu undir teppið er mörgum tamt ef ekki á að þrífa almennilega. Skyndilausnir henta stjórnmálamönnum yfirleitt betur heldur en framtíðarsýn og lausnir sem taka langan tíma. Vandamál vegna neyslu áfengis og annara fíkniefna hafa ekki beðið varhluta af slíkum hugsunarhætti. Vandamál tengd fíkn hafa fylgt mannkyninu um aldir. Þó mjög margt hafi unnist í glímunni við fíknisjúkdóminn er mikið verk óunnið og ýmislegt sem bendir til að við séum á slæmum stað. Rannsóknir sína að 20% mannkyns sem neytir fíkniefna ýmiskonar, glími við fíknivanda. Meðferð á Íslandi er á heimsmælikvarða. Framfarir í meðferðum, lækningum og stuðningur sjálfshjálparsamtaka hafa verið miklar. Viðhorf til efnanna sem sjúkdómurinn veldur er misjafnt. Stór hluti þeirra er ólöglegur og af þeim sökum er litið á þá sem þau nota sem lögbrjóta. Til upprifjunar í sögulegu samhengi, þá var áfengi bannað á árunum 1920 til 1935 og fjölmennir hópar skilgreindir sem brotamenn. Stjórnmálamönnum hafa oftar en ekki verið mislagðar hendur í glímunni við fíknisjúkdóminn. Á Íslandi var t.d. talað um fíkniefnalaust Ísland fyrir árið 2000 af ákveðnum stjórnmálaflokkum seint á síðustu öld. Afglæpavæðing neysluskammta. Á samráðsgátt stjórnvalda hafa legið drög að lögum frá heilbrigðisráðherra frá 17. nóvember sem miða að því að afglæpavæða neysluskammta fíkniefna. Þetta er svipað frumvarp og fellt var í atkvæðagreiðslum á Alþingi í fyrra. Umsagnir um málið á samráðsgátt eru 24 talsins. Margir eru ánægðir með áformin en aðrir, líkt og undirritaður, telja að til að ná árangri þurfi heildstæð stefnumótunarvinna að fara fram áður en slík ákvörðun er tekin. Fíkn er sjúkdómur og meðferðin við honum og þekking hér á landi er mikil. Að þeirri lækningu koma að stærstu leyti áhugasamtök og meðferðarstofnanir með gríðarlega sérþekkingu. Gögnin sem fylgja þessum áformum gefa til kynna að með þessari stöku lagasetningu sé m.a. skörun við dómsmálaráðuneytið sem fer með málefni ríkissaksóknara og lögreglu sem framfylgja lögum um ávana- og fíkniefni. Markmið nýrra laga. Í drögum ráðherra að lögum um afglæpavæðingu neysluskammta fíkniefna koma jafnframt fram áform um helstu breytingar á lögum um ávana- og fíkniefni nr. 65/1974, þau eru: Varsla á neysluskömmtum verði ekki refsiverð. Ráðherra sé gert með reglugerð að kveða á um hvaða ávana- og fíkniefni teljist til eigin nota miðað við neysluskammta. Heimild lögreglu til upptöku efna nái ekki til þeirra efna sem séu í vörslu einstaklinga yfir 18 ára aldri þegar magn efnanna er innan þess sem talist getur til eigin nota. Auk þessa kemur fram í skjalinu að ekki hafi verið gerð verkefnaáætlun. Þá segir að áætlað sé að frumvarpið taki þegar gildi, verði það að lögum. Ekki er gert ráð fyrir undirbúningi eða aðlögun jafn áhrifamikils máls. Við yfirlestur draganna kemur fram að takmörkuð vinna hafi farið fram við undirbúning þessa viðamikla verkefnis, sem vel að merkja, lýtur ekki einungis að breytingum á lögum. Hvað var gert í Noregi? Í Noregi hefur til dæmis farið fram gríðarlega umfangsmikil stefnumótunarvinna í tengslum við endurskoðun á málefnum sem varða ávana- og fíkniefni þar í landi. Hinn 23. mars, 2018 var til að mynda komið á fót tíu manna nefnd sem hafði með höndum það verkefni að yfirfara löggjöf og móta stefnu í þessum efnum. Nefndin skilaði skýrslu til heilbrigðisráðuneytis og dómsmálaráðuneytis Noregs 19. desember, 2019 og telur skýrslan rúmlega 400 blaðsíður. Norska nefndin samanstóð af þverfaglegum hópi sérfræðinga og hafði samráð við fjölda stofnana, samtaka og annara hagsmunaaðila á meðan á vinnu nefndarinnar stóð. Í skýrslunni er meðal annars að finna tillögur að lagabreytingum á hinum ýmsu lagabálkum. Nefndin lagði til að varsla neysluskammta verði ekki refsiverð en þó verði lögreglu sem endranær, heimilt að stöðva notkun, verði hún vör við slíkt og gera efni upptæk. Þess í stað er þeim sem teknir eru með neysluskammta gert skylt að sækja fund hjá félagsþjónustu sveitarfélaga þar sem boðin verði fræðsla og aðstoð. Samhliða þessu leggur nefndin til að forvarnarstarf verði stóraukið og meðferðarúrræðum fjölgað. Í skýrslunni eru einnig tillögur meiri- og minnihluta nefndarinnar um mörk neysluskammta. Framangreint er aðeins brot að því sem norska nefndin tók til skoðunar og getið er um í skýrslunni. Hvað er neysluskammtur? Til stóð í kjölfar setningu laga nr. 48/2020 um breytingu á lögum um ávana- og fíkniefni nr. 65/1974 (Neyslurými), að skilgreina í reglugerð hvað teldist vera neysluskammtar sem notendum væri heimilt að bera á sér til notkunar í neyslurými. Reglugerðin hefur ekki enn litið dagsins ljós. Við samningu reglugerðarinnar þótti erfiðleikum bundið að skilgreina hvað teldist neysluskammtur og mun því ekki verða öðruvísi háttað þegar tekið verður til skoðunar við hvaða mörk beri að miða að því er varðar afglæpavæðingu neysluskammta. Verkefni sem þetta er eins og áður segir gríðarlega viðamikið. Því þarf að fara í heildstæða stefnumótunavinnu líkt og norsku yfirvöldin hafa farið í gegnum undanfarin ár. Hafa þarf í huga að þegar svona viðamiklar breytingar eru lagðar fram, að undirbúningur og heildarendurskoðun þarf að eiga sér stað á fyrirhuguðum breytingum áður en frumvarp um breytingu á lögum nr. 65/1974 um ávana- og fíkniefni verður lagt fram. Eins og kom fram við lagasetningu á neyslurýmum vorið 2020 átti að gefa út reglugerð um hvað teldist vera neysluskammtur. Sú reglugerð hefur ekki komið fram. Þeirri spurningu er ekki auðvelt að svara. Skammtur sem dugar einum getur drepið annan. Fíklar eru veikt fólk og það ber að koma fram við það sem slíkt. Fíkn er sjúkdómur sem hefur afleiðingar fyrir fjölskyldu fíkilsins. Í framkvæmd hljóta sem betur fer fáir refsingu fyrir vörslu neysluskammta. Dómur fyrir slíkt getur hins vegar fylgt einstaklingum alla ævi, jafnvel þó að viðkomandi hafi náð bata, það er miður. Umsögn Lögreglustjórans á höfuðborgarsvæðinu. Lögreglustjórinn á höfuðborgarsvæðinu bendir m.a. á í sinni umsögn: Umsögn frá ríkissaksóknara dags. 14. nóv. 2019, við frumvarp um breytingu á lögum um ávana- og fíkniefni (afglæpavæðing neysluskammta) á 150. löggjafarþingi 2019-2020, 23 mál. Þau efni sem falla undir lög nr. 65/1974 um ávana- og fíkniefni og finnast á íslensku forráðasvæði eru þangað komin eða tilkomin á ólögmætan hátt og því verði þau gerð upptæk. Refsing hefur áhrif til lífstíðar. Það mætti skoða þá leið að milda refsingar í slíkum tilvikum. Mikilvægt skref í því sambandi væri að refsing þeirra sem lögreglan hefur afskipti af og væru með neysluskammt, kæmi aldrei fram á sakavottorði og yrði eytt út úr skrám lögreglu eftir eitt til tvö ár. Undirritaður hefur í þrjátíu ár fjallað um þessi mál og horft á eftir mörgum vinum og félögum sem fallið hafa frá af völdum fíknisjúkdóms, bæði af neyslu löglegra og ólöglegra efna. Stjórnvöld þurfa að eyða biðlistum inn í meðferðir. Auka fræðslu og félagsþjónustu. Stórauka forvarnir og samstarf við lögregluna. Alvöru aðgerða er þörf, ekki smáskammtalækninga. Höfundur er þingmaður Miðflokksins í NV-kjördæmi. Viltu birta grein á Vísi? Sendu okkur póst. Senda grein Sigurður Páll Jónsson Miðflokkurinn Alþingi Alþingiskosningar 2021 Skoðun: Kosningar 2021 Fíkn Mest lesið Líf eftir afplánun Eva Sóley Kristjánsdóttir Skoðun Ég hef… Karólína Helga Símonardóttir Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun Fáni okkar allra Hörður Lárusson Skoðun Bætum fleiri stólum við borðið Ingibjörg Lilja Þórmundsdóttir Skoðun Mér var sagt að þegja á meðan fréttatíminn var Haukur Brynjarsson Skoðun Séríslensk hávaxtastefna Sigurjón Þórðarson Skoðun Skoðun Skoðun Skuggahliðar á þéttingu byggðar Þórarinn Hjaltason skrifar Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar Skoðun Jöfn skipting skulda og eigna í sambúð Sævar Þór Jónsson skrifar Skoðun Samstaða - afl sem breytir samfélaginu Heiða Björg Hilmarsdóttir skrifar Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar Skoðun Ólögleg veðmálastarfsemi á Íslandi Hákon Skúlason skrifar Skoðun Bætum fleiri stólum við borðið Ingibjörg Lilja Þórmundsdóttir skrifar Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar Skoðun Pyrrosar sigur Helgi Tómasson skrifar Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar Skoðun Mér var sagt að þegja á meðan fréttatíminn var Haukur Brynjarsson skrifar Skoðun Allt fyrir Brussel og Nató, hitt reddast einhvern veginn Davíð Bergmann skrifar Skoðun Forljót grá hús Hjalti Andrason skrifar Skoðun Líf eftir afplánun Eva Sóley Kristjánsdóttir skrifar Skoðun Fáni okkar allra Hörður Lárusson skrifar Skoðun Séríslensk hávaxtastefna Sigurjón Þórðarson skrifar Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar Skoðun Ég hef… Karólína Helga Símonardóttir skrifar Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar Skoðun Er yfirvöldum alveg sama um fólk á bifhjólum? Njáll Gunnlaugsson skrifar Skoðun Ekki mamman í hópnum - leiðtoginn í hópnum Katrín Ásta Sigurjónsdóttir skrifar Skoðun Rannsóknarnefnd styrjalda Gunnar Einarsson skrifar Skoðun Börn eiga ekki heima í fangelsi Tótla I. Sæmundsdóttir skrifar Skoðun Aðförin að einkabílnum eða bara meira frelsi? Kristín Hrefna Halldórsdóttir skrifar Skoðun Kvöld sem er ekki bara fyrir börnin Alicja Lei skrifar Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar Skoðun Málið er dautt (A Modest Proposal) skrifar Skoðun Femínísk utanríkisstefna: aukin samstaða og aðgerðir Guillaume Bazard skrifar Skoðun Hagsmunir flugrekstrar á Íslandi eru miklir Jóhannes Bjarni Guðmundsson skrifar Sjá meira
Að sópa rykinu undir teppið er mörgum tamt ef ekki á að þrífa almennilega. Skyndilausnir henta stjórnmálamönnum yfirleitt betur heldur en framtíðarsýn og lausnir sem taka langan tíma. Vandamál vegna neyslu áfengis og annara fíkniefna hafa ekki beðið varhluta af slíkum hugsunarhætti. Vandamál tengd fíkn hafa fylgt mannkyninu um aldir. Þó mjög margt hafi unnist í glímunni við fíknisjúkdóminn er mikið verk óunnið og ýmislegt sem bendir til að við séum á slæmum stað. Rannsóknir sína að 20% mannkyns sem neytir fíkniefna ýmiskonar, glími við fíknivanda. Meðferð á Íslandi er á heimsmælikvarða. Framfarir í meðferðum, lækningum og stuðningur sjálfshjálparsamtaka hafa verið miklar. Viðhorf til efnanna sem sjúkdómurinn veldur er misjafnt. Stór hluti þeirra er ólöglegur og af þeim sökum er litið á þá sem þau nota sem lögbrjóta. Til upprifjunar í sögulegu samhengi, þá var áfengi bannað á árunum 1920 til 1935 og fjölmennir hópar skilgreindir sem brotamenn. Stjórnmálamönnum hafa oftar en ekki verið mislagðar hendur í glímunni við fíknisjúkdóminn. Á Íslandi var t.d. talað um fíkniefnalaust Ísland fyrir árið 2000 af ákveðnum stjórnmálaflokkum seint á síðustu öld. Afglæpavæðing neysluskammta. Á samráðsgátt stjórnvalda hafa legið drög að lögum frá heilbrigðisráðherra frá 17. nóvember sem miða að því að afglæpavæða neysluskammta fíkniefna. Þetta er svipað frumvarp og fellt var í atkvæðagreiðslum á Alþingi í fyrra. Umsagnir um málið á samráðsgátt eru 24 talsins. Margir eru ánægðir með áformin en aðrir, líkt og undirritaður, telja að til að ná árangri þurfi heildstæð stefnumótunarvinna að fara fram áður en slík ákvörðun er tekin. Fíkn er sjúkdómur og meðferðin við honum og þekking hér á landi er mikil. Að þeirri lækningu koma að stærstu leyti áhugasamtök og meðferðarstofnanir með gríðarlega sérþekkingu. Gögnin sem fylgja þessum áformum gefa til kynna að með þessari stöku lagasetningu sé m.a. skörun við dómsmálaráðuneytið sem fer með málefni ríkissaksóknara og lögreglu sem framfylgja lögum um ávana- og fíkniefni. Markmið nýrra laga. Í drögum ráðherra að lögum um afglæpavæðingu neysluskammta fíkniefna koma jafnframt fram áform um helstu breytingar á lögum um ávana- og fíkniefni nr. 65/1974, þau eru: Varsla á neysluskömmtum verði ekki refsiverð. Ráðherra sé gert með reglugerð að kveða á um hvaða ávana- og fíkniefni teljist til eigin nota miðað við neysluskammta. Heimild lögreglu til upptöku efna nái ekki til þeirra efna sem séu í vörslu einstaklinga yfir 18 ára aldri þegar magn efnanna er innan þess sem talist getur til eigin nota. Auk þessa kemur fram í skjalinu að ekki hafi verið gerð verkefnaáætlun. Þá segir að áætlað sé að frumvarpið taki þegar gildi, verði það að lögum. Ekki er gert ráð fyrir undirbúningi eða aðlögun jafn áhrifamikils máls. Við yfirlestur draganna kemur fram að takmörkuð vinna hafi farið fram við undirbúning þessa viðamikla verkefnis, sem vel að merkja, lýtur ekki einungis að breytingum á lögum. Hvað var gert í Noregi? Í Noregi hefur til dæmis farið fram gríðarlega umfangsmikil stefnumótunarvinna í tengslum við endurskoðun á málefnum sem varða ávana- og fíkniefni þar í landi. Hinn 23. mars, 2018 var til að mynda komið á fót tíu manna nefnd sem hafði með höndum það verkefni að yfirfara löggjöf og móta stefnu í þessum efnum. Nefndin skilaði skýrslu til heilbrigðisráðuneytis og dómsmálaráðuneytis Noregs 19. desember, 2019 og telur skýrslan rúmlega 400 blaðsíður. Norska nefndin samanstóð af þverfaglegum hópi sérfræðinga og hafði samráð við fjölda stofnana, samtaka og annara hagsmunaaðila á meðan á vinnu nefndarinnar stóð. Í skýrslunni er meðal annars að finna tillögur að lagabreytingum á hinum ýmsu lagabálkum. Nefndin lagði til að varsla neysluskammta verði ekki refsiverð en þó verði lögreglu sem endranær, heimilt að stöðva notkun, verði hún vör við slíkt og gera efni upptæk. Þess í stað er þeim sem teknir eru með neysluskammta gert skylt að sækja fund hjá félagsþjónustu sveitarfélaga þar sem boðin verði fræðsla og aðstoð. Samhliða þessu leggur nefndin til að forvarnarstarf verði stóraukið og meðferðarúrræðum fjölgað. Í skýrslunni eru einnig tillögur meiri- og minnihluta nefndarinnar um mörk neysluskammta. Framangreint er aðeins brot að því sem norska nefndin tók til skoðunar og getið er um í skýrslunni. Hvað er neysluskammtur? Til stóð í kjölfar setningu laga nr. 48/2020 um breytingu á lögum um ávana- og fíkniefni nr. 65/1974 (Neyslurými), að skilgreina í reglugerð hvað teldist vera neysluskammtar sem notendum væri heimilt að bera á sér til notkunar í neyslurými. Reglugerðin hefur ekki enn litið dagsins ljós. Við samningu reglugerðarinnar þótti erfiðleikum bundið að skilgreina hvað teldist neysluskammtur og mun því ekki verða öðruvísi háttað þegar tekið verður til skoðunar við hvaða mörk beri að miða að því er varðar afglæpavæðingu neysluskammta. Verkefni sem þetta er eins og áður segir gríðarlega viðamikið. Því þarf að fara í heildstæða stefnumótunavinnu líkt og norsku yfirvöldin hafa farið í gegnum undanfarin ár. Hafa þarf í huga að þegar svona viðamiklar breytingar eru lagðar fram, að undirbúningur og heildarendurskoðun þarf að eiga sér stað á fyrirhuguðum breytingum áður en frumvarp um breytingu á lögum nr. 65/1974 um ávana- og fíkniefni verður lagt fram. Eins og kom fram við lagasetningu á neyslurýmum vorið 2020 átti að gefa út reglugerð um hvað teldist vera neysluskammtur. Sú reglugerð hefur ekki komið fram. Þeirri spurningu er ekki auðvelt að svara. Skammtur sem dugar einum getur drepið annan. Fíklar eru veikt fólk og það ber að koma fram við það sem slíkt. Fíkn er sjúkdómur sem hefur afleiðingar fyrir fjölskyldu fíkilsins. Í framkvæmd hljóta sem betur fer fáir refsingu fyrir vörslu neysluskammta. Dómur fyrir slíkt getur hins vegar fylgt einstaklingum alla ævi, jafnvel þó að viðkomandi hafi náð bata, það er miður. Umsögn Lögreglustjórans á höfuðborgarsvæðinu. Lögreglustjórinn á höfuðborgarsvæðinu bendir m.a. á í sinni umsögn: Umsögn frá ríkissaksóknara dags. 14. nóv. 2019, við frumvarp um breytingu á lögum um ávana- og fíkniefni (afglæpavæðing neysluskammta) á 150. löggjafarþingi 2019-2020, 23 mál. Þau efni sem falla undir lög nr. 65/1974 um ávana- og fíkniefni og finnast á íslensku forráðasvæði eru þangað komin eða tilkomin á ólögmætan hátt og því verði þau gerð upptæk. Refsing hefur áhrif til lífstíðar. Það mætti skoða þá leið að milda refsingar í slíkum tilvikum. Mikilvægt skref í því sambandi væri að refsing þeirra sem lögreglan hefur afskipti af og væru með neysluskammt, kæmi aldrei fram á sakavottorði og yrði eytt út úr skrám lögreglu eftir eitt til tvö ár. Undirritaður hefur í þrjátíu ár fjallað um þessi mál og horft á eftir mörgum vinum og félögum sem fallið hafa frá af völdum fíknisjúkdóms, bæði af neyslu löglegra og ólöglegra efna. Stjórnvöld þurfa að eyða biðlistum inn í meðferðir. Auka fræðslu og félagsþjónustu. Stórauka forvarnir og samstarf við lögregluna. Alvöru aðgerða er þörf, ekki smáskammtalækninga. Höfundur er þingmaður Miðflokksins í NV-kjördæmi.
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun
Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar
Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar
Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar
Skoðun Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson skrifar
Skoðun Leikur að lýðræðinu Ása Valdís Árnadóttir,Björn Kristinn Pálmarsson,Smári Bergmann Kolbeinsson skrifar
Skoðun Vísindin geta læknað krabbamein en ekki grænmetissafar og kaffistólpípur Dögg Guðmundsdóttir,Guðrún Nanna Egilsdóttir,Vilborg Kolbrún Vilmundardóttir skrifar
Skoðun Þöggun, hroki og afneitun voru móttökur Samfylkingarinnar til okkar Elín A. Eyfjörð Ármannsdóttir skrifar
Skoðun Verkakonur samtímans – og nýtt skeið í kvennabaráttu! Guðrún Margrét Guðmundsdóttir,Aleksandra Leonardsdóttir skrifar
Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir Skoðun
Ákall til stjórnvalda - Ekki skattleggja útivist og áhugamál enn frekar Arnar Þór Hafsteinsson Skoðun
Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson Skoðun