Heyrði fyrst af áhuga Bayern eftir stærðfræðipróf í háskólanum Ingvi Þór Sæmundsson skrifar 6. mars 2021 10:00 Það tók Karólínu Leu Vilhjálmsdóttur aðeins tvær mínútur að skora í sínum fyrsta leik með Bayern München. bayern München Karólína Lea Vilhjálmsdóttir fékk sannkallaða draumabyrjun með þýska stórliðinu Bayern München í fyrradag. Hún kann afar vel við sig hjá liðinu og er búin að koma sér vel fyrir í München þótt hún viðurkenni að það hafi verið krefjandi að flytja að heiman og til stórborgarinnar. Karólína kom inn á sem varamaður í fyrri leik Bayern og BIIK-Kazygurt í Kasakstan í sextán liða úrslitum Meistaradeildar Evrópu í gær á 65. mínútu. Tveimur mínútum síðar skoraði hún með góðu skoti og kom Bayern í 0-5. Bæjarar unnu leikinn á endanum, 1-6, og eru því svo gott sem komnir í átta liða úrslit Meistaradeildarinnar. Goals, Goals, Goals! Zu den @UWCL-TV-Highlights vs. Kazygurt! https://t.co/PmHYgQCIqt #MiaSanMia #FCBayern pic.twitter.com/VyKFqtQPLF— FC Bayern Frauen (@FCBfrauen) March 4, 2021 „Ég er mjög þakklát að hafa fengið að koma inn á og inn í hópinn. Hann er rosalega sterkur núna og það eru alltaf einhverjir utan hans. Nú er bara að byggja ofan á þetta,“ sagði Karólína í samtali við Vísi í gær. Karólína fór út til Þýskalands í byrjun árs. Þá var hún meidd og fyrstu vikurnar í München var hún í endurhæfingu. „Ég fór í æfingahóp með meiddum leikmönnum sem eru að jafna sig eftir aðgerðir og svona. Það var ekkert smá gaman að fá loks að spila,“ sagði Karólína sem reif liðþófa í hné síðasta haust og missti fyrir vikið af síðustu tveimur leikjum Íslands í undankeppni EM. Karólína í leik Íslands og Lettlands á Laugardalsvellinum þar sem hún skoraði sitt fyrsta landsliðsmark.vísir/vilhelm „Þetta voru krefjandi meiðsli og það tók tíma að jafna sig á þeim. En það var mjög gott að komast aftur inn á völlinn, sérstaklega fyrir andlegu hliðina,“ sagði Karólína sem hefur náð sér að fullu af meiðslunum. Ekki er langt síðan hún byrjaði að æfa eftir endurhæfinguna. „Það eru komnar tvær vikur síðan ég fór á fyrstu æfinguna með liðinu. En ég byrjaði ekki í „kontakt“ fyrr en viku seinna. Ég hef ekki æft það lengi með liðinu en það er miklu skemmtilegra en að vera bara ein í líkamsræktarsalnum og með einum þjálfara.“ Hefði orðið pirruð ef ég hefði ekki komið inn á Fyrsta tækifærið með Bayern kom því ekki löngu eftir að hún byrjaði að æfa með liðinu. „Já og nei,“ svaraði Karólína aðspurð hvort tækifærið með Bayern hafi komið fyrr en hún bjóst við. „Það eru meiðsli í hópnum og margir leikir. Vonandi stend ég mig áfram vel á æfingum og fæ að halda að áfram að spila. Ég hefði orðið pirruð ef ég hefði ekki komið inn á en það er eins og ég er. Ég er mikil keppnismanneskja og vil alltaf gera mitt besta og hjálpa liðinu. Núna þarf ég bara að koma mér aftur niður á jörðina og halda áfram að standa mig.“ Karólína niðurrignd á æfingu með Bayern.bayern münchen Bayern er eitt stærsta félag heims og Karólína segir að öll aðstaða og umgjörð þar á bæ sé eins og best verður á kosið. „Aðstaðan er mögnuð og það er haldið rosalega vel utan um liðið. Andinn í hópnum er líka ekkert smá góður. Það standa allir saman og þetta er ein stór fjölskylda hér á kampus. Það er alltaf gaman að mæta á æfingar og það var tekið svo vel á móti mér. Þetta hefur verið mjög gaman en líka erfitt að flytja frá fjölskyldunni og öllu. En að fara í svona stórt félag þar sem allt er hundrað prósent gerir þetta auðveldara,“ sagði Karólína sem verður tvítug í ágúst. Ætlaði að vera áfram heima Hún segist fyrst hafa heyrt af áhuga Bayern í lok síðasta árs. Hún ætlaði að spila áfram með Breiðabliki en segist ekki hafa getað sagt nei við félag eins og Bayern. „Ég var í lokaprófum í háskólanum og eftir stærðfræðipróf hringdi pabbi í mig og sagði að Gylfi [Sigurðsson] umboðsmaður hafi sagt sér að segja mér að Bayern hefði áhuga. Þetta var í byrjun desember og svo fór ég út í janúar,“ sagði Karólína. „Ég gat ekki sleppt þessu tækifæri. Ég ætlaði alltaf að taka eitt tímabil í viðbót heima en er mjög sátt að hafa tekið af skarið og farið hingað út.“ Karólína varð tvisvar sinnum Íslandsmeistari og einu sinni bikarmeistari með Breiðabliki. Hún kom til liðsins frá FH fyrir tímabilið 2018.vísir/bára Lið Bayern er ógnarsterkt eins og staða liðsins í þýsku úrvalsdeildinni á tímabilinu gefur til kynna. Bayern hefur unnið alla fjórtán leiki sína og er með fimm stiga forskot á Wolfsburg. Næsti leikur Bayern er gegn Freiburg á útivelli á morgun. „Þetta er eins sterkt lið og þau verða. Ég er alltaf að læra eitthvað nýtt og þjálfararnir eru alltaf að segja mér til. Hér eru allir svo miklir atvinnumenn en ég held alveg í við alla hérna. Nú er bara að byggja ofan á það sem ég hef verið að gera,“ sagði Karólína. Var vel dekruð heima fyrir Hún var á hóteli fyrstu tvær vikurnar í München en er búin að koma sér fyrir í sinni eigin íbúð. „Það er mjög fínt að vera komin með sitt eigið pláss. En vegna Covid er þetta aðeins erfiðara, fá fólk í heimsókn og svona en vonandi lagast það,“ sagði Karólína. Hún segir að það hafi verið viðbrigði að flytja úr foreldrahúsum og ein til stórborgarinnar München. „Þetta var svolítið sjokk. Ég var vel dekruð heima fyrir,“ sagði Karolína hlæjandi. „Þurfti aldrei að elda eða neitt svo það var svolítið sjokk að þurfa að sjá um sig sjálfur. En ég held að ég sé að höndla þetta vel.“ Karólína er önnur íslenska fótboltakonan sem leikur með Bayern. Dagný Brynjarsdóttir varð þýskur meistari með liðinu 2015.bayern münchen Karólína er þýskunámi, hittir kennara tvisvar í viku einn og hálfan klukkutíma í senn og er að ná tökum á tungumálinu. „Ég var það heimsk að velja spænsku í Flensborg. Ég hefði getað unnið mér inn nokkur orð,“ sagði Karólína og hló. „En þetta fer að koma. Vonandi næ ég að pikka upp orð og svo að mynda setningar.“ Karólína og stöllur hennar í Bayern sækja Freiburg heim í þýsku úrvalsdeildinni á morgun. Þýski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti Tyson segist ekki berjast vegna peninganna Sport „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Aðeins einn löglegur dúkur svo Valur og FH byrja saman í Krikanum Handbolti Arftaki Kristjáns óvænt hættur Handbolti Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira
Karólína kom inn á sem varamaður í fyrri leik Bayern og BIIK-Kazygurt í Kasakstan í sextán liða úrslitum Meistaradeildar Evrópu í gær á 65. mínútu. Tveimur mínútum síðar skoraði hún með góðu skoti og kom Bayern í 0-5. Bæjarar unnu leikinn á endanum, 1-6, og eru því svo gott sem komnir í átta liða úrslit Meistaradeildarinnar. Goals, Goals, Goals! Zu den @UWCL-TV-Highlights vs. Kazygurt! https://t.co/PmHYgQCIqt #MiaSanMia #FCBayern pic.twitter.com/VyKFqtQPLF— FC Bayern Frauen (@FCBfrauen) March 4, 2021 „Ég er mjög þakklát að hafa fengið að koma inn á og inn í hópinn. Hann er rosalega sterkur núna og það eru alltaf einhverjir utan hans. Nú er bara að byggja ofan á þetta,“ sagði Karólína í samtali við Vísi í gær. Karólína fór út til Þýskalands í byrjun árs. Þá var hún meidd og fyrstu vikurnar í München var hún í endurhæfingu. „Ég fór í æfingahóp með meiddum leikmönnum sem eru að jafna sig eftir aðgerðir og svona. Það var ekkert smá gaman að fá loks að spila,“ sagði Karólína sem reif liðþófa í hné síðasta haust og missti fyrir vikið af síðustu tveimur leikjum Íslands í undankeppni EM. Karólína í leik Íslands og Lettlands á Laugardalsvellinum þar sem hún skoraði sitt fyrsta landsliðsmark.vísir/vilhelm „Þetta voru krefjandi meiðsli og það tók tíma að jafna sig á þeim. En það var mjög gott að komast aftur inn á völlinn, sérstaklega fyrir andlegu hliðina,“ sagði Karólína sem hefur náð sér að fullu af meiðslunum. Ekki er langt síðan hún byrjaði að æfa eftir endurhæfinguna. „Það eru komnar tvær vikur síðan ég fór á fyrstu æfinguna með liðinu. En ég byrjaði ekki í „kontakt“ fyrr en viku seinna. Ég hef ekki æft það lengi með liðinu en það er miklu skemmtilegra en að vera bara ein í líkamsræktarsalnum og með einum þjálfara.“ Hefði orðið pirruð ef ég hefði ekki komið inn á Fyrsta tækifærið með Bayern kom því ekki löngu eftir að hún byrjaði að æfa með liðinu. „Já og nei,“ svaraði Karólína aðspurð hvort tækifærið með Bayern hafi komið fyrr en hún bjóst við. „Það eru meiðsli í hópnum og margir leikir. Vonandi stend ég mig áfram vel á æfingum og fæ að halda að áfram að spila. Ég hefði orðið pirruð ef ég hefði ekki komið inn á en það er eins og ég er. Ég er mikil keppnismanneskja og vil alltaf gera mitt besta og hjálpa liðinu. Núna þarf ég bara að koma mér aftur niður á jörðina og halda áfram að standa mig.“ Karólína niðurrignd á æfingu með Bayern.bayern münchen Bayern er eitt stærsta félag heims og Karólína segir að öll aðstaða og umgjörð þar á bæ sé eins og best verður á kosið. „Aðstaðan er mögnuð og það er haldið rosalega vel utan um liðið. Andinn í hópnum er líka ekkert smá góður. Það standa allir saman og þetta er ein stór fjölskylda hér á kampus. Það er alltaf gaman að mæta á æfingar og það var tekið svo vel á móti mér. Þetta hefur verið mjög gaman en líka erfitt að flytja frá fjölskyldunni og öllu. En að fara í svona stórt félag þar sem allt er hundrað prósent gerir þetta auðveldara,“ sagði Karólína sem verður tvítug í ágúst. Ætlaði að vera áfram heima Hún segist fyrst hafa heyrt af áhuga Bayern í lok síðasta árs. Hún ætlaði að spila áfram með Breiðabliki en segist ekki hafa getað sagt nei við félag eins og Bayern. „Ég var í lokaprófum í háskólanum og eftir stærðfræðipróf hringdi pabbi í mig og sagði að Gylfi [Sigurðsson] umboðsmaður hafi sagt sér að segja mér að Bayern hefði áhuga. Þetta var í byrjun desember og svo fór ég út í janúar,“ sagði Karólína. „Ég gat ekki sleppt þessu tækifæri. Ég ætlaði alltaf að taka eitt tímabil í viðbót heima en er mjög sátt að hafa tekið af skarið og farið hingað út.“ Karólína varð tvisvar sinnum Íslandsmeistari og einu sinni bikarmeistari með Breiðabliki. Hún kom til liðsins frá FH fyrir tímabilið 2018.vísir/bára Lið Bayern er ógnarsterkt eins og staða liðsins í þýsku úrvalsdeildinni á tímabilinu gefur til kynna. Bayern hefur unnið alla fjórtán leiki sína og er með fimm stiga forskot á Wolfsburg. Næsti leikur Bayern er gegn Freiburg á útivelli á morgun. „Þetta er eins sterkt lið og þau verða. Ég er alltaf að læra eitthvað nýtt og þjálfararnir eru alltaf að segja mér til. Hér eru allir svo miklir atvinnumenn en ég held alveg í við alla hérna. Nú er bara að byggja ofan á það sem ég hef verið að gera,“ sagði Karólína. Var vel dekruð heima fyrir Hún var á hóteli fyrstu tvær vikurnar í München en er búin að koma sér fyrir í sinni eigin íbúð. „Það er mjög fínt að vera komin með sitt eigið pláss. En vegna Covid er þetta aðeins erfiðara, fá fólk í heimsókn og svona en vonandi lagast það,“ sagði Karólína. Hún segir að það hafi verið viðbrigði að flytja úr foreldrahúsum og ein til stórborgarinnar München. „Þetta var svolítið sjokk. Ég var vel dekruð heima fyrir,“ sagði Karolína hlæjandi. „Þurfti aldrei að elda eða neitt svo það var svolítið sjokk að þurfa að sjá um sig sjálfur. En ég held að ég sé að höndla þetta vel.“ Karólína er önnur íslenska fótboltakonan sem leikur með Bayern. Dagný Brynjarsdóttir varð þýskur meistari með liðinu 2015.bayern münchen Karólína er þýskunámi, hittir kennara tvisvar í viku einn og hálfan klukkutíma í senn og er að ná tökum á tungumálinu. „Ég var það heimsk að velja spænsku í Flensborg. Ég hefði getað unnið mér inn nokkur orð,“ sagði Karólína og hló. „En þetta fer að koma. Vonandi næ ég að pikka upp orð og svo að mynda setningar.“ Karólína og stöllur hennar í Bayern sækja Freiburg heim í þýsku úrvalsdeildinni á morgun.
Þýski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti Tyson segist ekki berjast vegna peninganna Sport „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Aðeins einn löglegur dúkur svo Valur og FH byrja saman í Krikanum Handbolti Arftaki Kristjáns óvænt hættur Handbolti Fleiri fréttir Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Sjá meira