Klukkan 17 verður tilkynnt hverjir hljóta Blaðamannaverðlaun Blaðamannafélags Íslands fyrir síðasta ár. Vegna samkomutakmarkanna verður athöfnin í streymi.
Í stað hefðbundinnar afhendingar í húsakynnum Blaðamannafélags Íslands verður athöfninni streymt og verður þar tilkynnt um sigurvegara í hverjum flokki fyrir sig.
Streymið og athöfnin hefst kl 17.00 og fá sigurvegarar síðan afhenta verðlaunagripina síðar.
Erla Björg Gunnarsdóttir og Nadine Guðrún Yaghi hafa verið tilnefndar til blaðamannaverðlaunanna í flokknum Umfjöllun ársins fyrir áhrifamikla og afhjúpandi umfjöllun Kompáss um dulinn vanda kvenna með þroskahömlun sem leiðst hafa út í vændi.
