Uppfærum stýrikerfið Bjarni Benediktsson skrifar 14. apríl 2021 08:30 Við þekkjum það flest að opna símann okkar og fá meldingu um uppfærslu. Viðvikið kostar nokkra smelli og örlítinn tíma, en þjónustan verður enn betri fyrir okkur notendurna á eftir. Hlutverk hins opinbera er ekki ýkja frábrugðið hlutverki snjallsímans. Að vera vettvangur þar sem fólk sækir þjónustu, upplýsingar og aðstoð við daglegt líf. Að hjálpa þeim sem hjálpina þurfa, útvega ökuskírteini, byggja vegi og greiða út fæðingarorlof. Áfram mætti lengi telja. Þjónustan þarf ekki bara að vera til staðar, hún þarf að vera áreiðanleg og í takt við tímann. Fólk á ekki að þurfa að keyra með pappíra í Kópavog, fá símatíma milli tíu og tvö eða tala við margar mismunandi stofnanir um sama málið. Hið opinbera má ekki þenjast út, fara að hverfast um sjálft sig og þvælast fyrir. Það er þá sem báknið svokallaða verður til í huga fólks. Báknið snýst nefnilega ekki bara um kostnað. Það er ekki síður táknmynd þunglamalegs apparats þar sem hlutirnir eru óaðgengilegir, kosta mikið og gerast hægt. Til að vel megi vera þarf stýrikerfið að vera í lagi. Ísland verður stafrænt Síðustu misseri höfum við tekið mörg stór skref til að létta fólki lífið og spara kostnað. Með Stafrænu Íslandi erum við að gjörbreyta samskiptum og viðmóti hins opinbera. Í dag týnir enginn ökuskírteininu, enda tryggilega geymt í snjallsímanum. Bílferðir með pappíra í þinglýsingu heyra brátt sögunni til og öll gögn berast í stafrænt pósthólf, í stað bréfpósts í lúgu. Áfram mætti lengi telja. Þjónustu sem kallaði áður á ferðalög og pennastrik má nálgast með nokkrum smellum og næstu misseri mun þessum atriðum fjölga margfalt. Við erum komin í tólfta sæti af 193 í mati Sameinuðu þjóðanna á stafrænni þjónustu, en stefnum enn hærra. Virkjum einkaframtakið Góðar hugmyndir fæðast hins vegar ekki bara í Stjórnarráðinu, heldur fyrst og fremst úti í samfélaginu. Áhersla á nýsköpun er lykilatriði í velgengni okkar, ekki síst þegar við stöndum í djúpri kreppu. Síðustu mánuði höfum við lagt stóraukna áherslu á nýsköpun og samvinnu við fólk og fyrirtæki í landinu. Með verkefnum á borð við hakkaþon vegna COVID, gagnaþon fyrir umhverfið, heilbrigðis- og nýsköpunarmót og aukinni fræðslu byggjum við undir ný störf, þekkingu og hugmyndir fyrir samfélagið allt. Úr frumkvöðlastarfsemi verða oft til nýjar lausnir sem hjálpa hinu opinbera að veita betri þjónustu. Nærtækt dæmi er íslenska frumkvöðlafyrirtækið Kara Connect, sem færir nú heilbrigðisþjónustu víða um heim nær notendum og dregur úr sóun í kerfinu. Spörum krónur og kolefni Á sama tíma og við sækjum fram er grundvallaratriði í allri okkar vinnu að bera virðingu fyrir skattfé. Þar skiptir miklu að fólk sjái hvert peningarnir renna í raun. Í þeim anda erum við t.a.m. langt komin með að gjörbreyta álagningarseðlum vegna skattgreiðslna. Þannig mun fólk nú sjá svart á hvítu í hvað skattarnir fara og í hvaða hlutföllum. Annar og öllu ósýnilegri angi útgjaldanna eru opinber innkaup. Óvíða skiptir hins vegar meira máli að við höldum vel um taumana. Ríkið eyðir um 200 milljörðum á ári í vörur, verk og aðkeypta þjónustu. Þó við spörum ekki nema 2% í innkaupum þá verða eftir fjórir milljarðar til að nota í önnur verkefni eða lækka skatta. Það er mikilvægt að hver stofnun sitji ekki í sínu horni og geri misgóða samninga, heldur þurfum við að nýta stærðina og kraftinn í hinu opinbera til að fá mesta virðið fyrir almannafé. Á eftir munum við kynna nýja innkaupastefnu í þessum anda á opnum viðburði, með titlinum Léttum lífið. Þar rekur Björgvin Víkingsson, forstjóri Ríkiskaupa, hvernig við ætlum að spara milljarða með nýrri nálgun - á sama tíma og við veitum enn betri og umhverfisvænni þjónustu. Auk hans koma fram Andri Heiðar Kristinsson, framkvæmdastjóri Stafræns Íslands og Þorbjörg Helga Vigfúsdóttir, stofnandi og framkvæmdastjóri Köru Connect. Þau ætla að fjalla um stafræna byltingu samfélagsins og árangurinn í nýsköpun og frumkvöðlastarfi. Markmiðið er einfalt; Að segja frá því hvernig við erum að uppfæra stýrikerfi samfélagsins. Höfundur er fjármála- og efnahagsráðherra. Viltu birta grein á Vísi? Sendu okkur póst. Senda grein Bjarni Benediktsson Skoðun: Kosningar 2021 Stjórnsýsla Stafræn þróun Tengdar fréttir Bein útsending: Léttum lífið Rætt verður um opinberar umbætur og framtíðarsýn á opnum viðburði á vegum Fjármála- og efhahagsráðuneytisins en yfirskrift hans er Léttum lífið: Spörum sporin og aukum hagkvæmni með umbótum í opinberri þjónustu. 14. apríl 2021 09:01 Mest lesið Hin dásamlega sturlun: Umræðan á Íslandi Davíð Bergmann Skoðun Snorri Másson er ekki vandinn – hann er viðvörun Helen Ólafsdóttir Skoðun Okkar eigin Don Kíkóti Kjartan Jónsson Skoðun Persónudýrkun vinstrisins Trausti Breiðfjörð Magnússon Skoðun Reykjavík - barnvæn höfuðborg? Einar Þorsteinsson,Magnea Gná Jóhannsdóttir Skoðun Sýnum í verki að okkur er ekki sama Anna Sigga Jökuls Ragnheiðardóttir Skoðun Menntamorð – um gjöreyðingu menntakerfisins á Gaza sem liður í allsherjar þjóðarmorði Ísrael á Palestínumönnum Kristján Þór Sigurðsson Skoðun Öflugt atvinnulíf í Hafnarfirði Valdimar Víðisson Skoðun Öryggi geðheilbrigðis Guðrún Karls Helgudóttir Skoðun 90 milljarða vannýtt útflutningstækifæri Vilhjálmur Hilmarsson Skoðun Skoðun Skoðun Að vera séður og heyrður getur bjargað lífi – Gulur september minnir okkur á að hlúa að hjartanu Kristín Magdalena Ágústsdóttir skrifar Skoðun Rangfærslur um atburðina á Gaza Egill Þ. Einarsson skrifar Skoðun Öryggi geðheilbrigðis Guðrún Karls Helgudóttir skrifar Skoðun Mjóddin og pólitík pírata Helgi Áss Grétarsson skrifar Skoðun Okkar eigin Don Kíkóti Kjartan Jónsson skrifar Skoðun Sýnum í verki að okkur er ekki sama Anna Sigga Jökuls Ragnheiðardóttir skrifar Skoðun Snorri Másson er ekki vandinn – hann er viðvörun Helen Ólafsdóttir skrifar Skoðun Drúsar og hörmungarnar í Suwayda Armando Garcia skrifar Skoðun Hjarta samfélagsins í Þorlákshöfn slær við höfnina Grétar Ingi Erlendsson skrifar Skoðun Marserum fyrir jafnrétti í íþróttum Willum Þór Þórsson skrifar Skoðun Tímamóta umbætur í nýju kerfi almannatrygginga Huld Magnúsdóttir,Sigríður Dóra Magnúsdóttir,Unnur Sverrisdóttir,Vigdís Jónsdóttir skrifar Skoðun Öflugt atvinnulíf í Hafnarfirði Valdimar Víðisson skrifar Skoðun Persónudýrkun vinstrisins Trausti Breiðfjörð Magnússon skrifar Skoðun Menntamorð – um gjöreyðingu menntakerfisins á Gaza sem liður í allsherjar þjóðarmorði Ísrael á Palestínumönnum Kristján Þór Sigurðsson skrifar Skoðun Reykjavík - barnvæn höfuðborg? Einar Þorsteinsson,Magnea Gná Jóhannsdóttir skrifar Skoðun Magnús og hálfsannleikurinn Hjörtur J. Guðmundsson skrifar Skoðun Það sem gerist þegar formúlur og fordómar hafa of mikil áhrif Matthildur Björnsdóttir skrifar Skoðun Látum verkin tala fyrir börnin á Gaza Gunnar Axel Axelsson skrifar Skoðun 90 milljarða vannýtt útflutningstækifæri Vilhjálmur Hilmarsson skrifar Skoðun Tvær sögur Egill Þ. Einarsson skrifar Skoðun Stærsta kjarabót öryrkja í áratugi Ingjibjörg Isaksen skrifar Skoðun Að bjarga þjóð Jón Baldvin Hannibalsson skrifar Skoðun Háskóli Íslands. Opinn og alþjóðlegur? Styrmir Hallsson,Abdullah Arif skrifar Skoðun Nýtt örorkulífeyriskerfi Inga Sæland skrifar Skoðun Það er heldur betur vitlaust gefið á Íslandi Jónas Yngvi Ásgrímsson skrifar Skoðun Að bera harm sinn í hljóði Gunnhildur Ólafsdóttir skrifar Skoðun Velferð sem virkar Guðrún Hafsteinsdóttir skrifar Skoðun Gleðileg ný fiskveiðiáramót …von eða ótti? Arnar Laxdal skrifar Skoðun „Hristir í stoðum“ RÚV? Hermann Stefánsson skrifar Skoðun Opið bréf til innviðaráðherra Eyjólfur Þorkelsson skrifar Sjá meira
Við þekkjum það flest að opna símann okkar og fá meldingu um uppfærslu. Viðvikið kostar nokkra smelli og örlítinn tíma, en þjónustan verður enn betri fyrir okkur notendurna á eftir. Hlutverk hins opinbera er ekki ýkja frábrugðið hlutverki snjallsímans. Að vera vettvangur þar sem fólk sækir þjónustu, upplýsingar og aðstoð við daglegt líf. Að hjálpa þeim sem hjálpina þurfa, útvega ökuskírteini, byggja vegi og greiða út fæðingarorlof. Áfram mætti lengi telja. Þjónustan þarf ekki bara að vera til staðar, hún þarf að vera áreiðanleg og í takt við tímann. Fólk á ekki að þurfa að keyra með pappíra í Kópavog, fá símatíma milli tíu og tvö eða tala við margar mismunandi stofnanir um sama málið. Hið opinbera má ekki þenjast út, fara að hverfast um sjálft sig og þvælast fyrir. Það er þá sem báknið svokallaða verður til í huga fólks. Báknið snýst nefnilega ekki bara um kostnað. Það er ekki síður táknmynd þunglamalegs apparats þar sem hlutirnir eru óaðgengilegir, kosta mikið og gerast hægt. Til að vel megi vera þarf stýrikerfið að vera í lagi. Ísland verður stafrænt Síðustu misseri höfum við tekið mörg stór skref til að létta fólki lífið og spara kostnað. Með Stafrænu Íslandi erum við að gjörbreyta samskiptum og viðmóti hins opinbera. Í dag týnir enginn ökuskírteininu, enda tryggilega geymt í snjallsímanum. Bílferðir með pappíra í þinglýsingu heyra brátt sögunni til og öll gögn berast í stafrænt pósthólf, í stað bréfpósts í lúgu. Áfram mætti lengi telja. Þjónustu sem kallaði áður á ferðalög og pennastrik má nálgast með nokkrum smellum og næstu misseri mun þessum atriðum fjölga margfalt. Við erum komin í tólfta sæti af 193 í mati Sameinuðu þjóðanna á stafrænni þjónustu, en stefnum enn hærra. Virkjum einkaframtakið Góðar hugmyndir fæðast hins vegar ekki bara í Stjórnarráðinu, heldur fyrst og fremst úti í samfélaginu. Áhersla á nýsköpun er lykilatriði í velgengni okkar, ekki síst þegar við stöndum í djúpri kreppu. Síðustu mánuði höfum við lagt stóraukna áherslu á nýsköpun og samvinnu við fólk og fyrirtæki í landinu. Með verkefnum á borð við hakkaþon vegna COVID, gagnaþon fyrir umhverfið, heilbrigðis- og nýsköpunarmót og aukinni fræðslu byggjum við undir ný störf, þekkingu og hugmyndir fyrir samfélagið allt. Úr frumkvöðlastarfsemi verða oft til nýjar lausnir sem hjálpa hinu opinbera að veita betri þjónustu. Nærtækt dæmi er íslenska frumkvöðlafyrirtækið Kara Connect, sem færir nú heilbrigðisþjónustu víða um heim nær notendum og dregur úr sóun í kerfinu. Spörum krónur og kolefni Á sama tíma og við sækjum fram er grundvallaratriði í allri okkar vinnu að bera virðingu fyrir skattfé. Þar skiptir miklu að fólk sjái hvert peningarnir renna í raun. Í þeim anda erum við t.a.m. langt komin með að gjörbreyta álagningarseðlum vegna skattgreiðslna. Þannig mun fólk nú sjá svart á hvítu í hvað skattarnir fara og í hvaða hlutföllum. Annar og öllu ósýnilegri angi útgjaldanna eru opinber innkaup. Óvíða skiptir hins vegar meira máli að við höldum vel um taumana. Ríkið eyðir um 200 milljörðum á ári í vörur, verk og aðkeypta þjónustu. Þó við spörum ekki nema 2% í innkaupum þá verða eftir fjórir milljarðar til að nota í önnur verkefni eða lækka skatta. Það er mikilvægt að hver stofnun sitji ekki í sínu horni og geri misgóða samninga, heldur þurfum við að nýta stærðina og kraftinn í hinu opinbera til að fá mesta virðið fyrir almannafé. Á eftir munum við kynna nýja innkaupastefnu í þessum anda á opnum viðburði, með titlinum Léttum lífið. Þar rekur Björgvin Víkingsson, forstjóri Ríkiskaupa, hvernig við ætlum að spara milljarða með nýrri nálgun - á sama tíma og við veitum enn betri og umhverfisvænni þjónustu. Auk hans koma fram Andri Heiðar Kristinsson, framkvæmdastjóri Stafræns Íslands og Þorbjörg Helga Vigfúsdóttir, stofnandi og framkvæmdastjóri Köru Connect. Þau ætla að fjalla um stafræna byltingu samfélagsins og árangurinn í nýsköpun og frumkvöðlastarfi. Markmiðið er einfalt; Að segja frá því hvernig við erum að uppfæra stýrikerfi samfélagsins. Höfundur er fjármála- og efnahagsráðherra.
Bein útsending: Léttum lífið Rætt verður um opinberar umbætur og framtíðarsýn á opnum viðburði á vegum Fjármála- og efhahagsráðuneytisins en yfirskrift hans er Léttum lífið: Spörum sporin og aukum hagkvæmni með umbótum í opinberri þjónustu. 14. apríl 2021 09:01
Menntamorð – um gjöreyðingu menntakerfisins á Gaza sem liður í allsherjar þjóðarmorði Ísrael á Palestínumönnum Kristján Þór Sigurðsson Skoðun
Skoðun Að vera séður og heyrður getur bjargað lífi – Gulur september minnir okkur á að hlúa að hjartanu Kristín Magdalena Ágústsdóttir skrifar
Skoðun Tímamóta umbætur í nýju kerfi almannatrygginga Huld Magnúsdóttir,Sigríður Dóra Magnúsdóttir,Unnur Sverrisdóttir,Vigdís Jónsdóttir skrifar
Skoðun Menntamorð – um gjöreyðingu menntakerfisins á Gaza sem liður í allsherjar þjóðarmorði Ísrael á Palestínumönnum Kristján Þór Sigurðsson skrifar
Skoðun Það sem gerist þegar formúlur og fordómar hafa of mikil áhrif Matthildur Björnsdóttir skrifar
Menntamorð – um gjöreyðingu menntakerfisins á Gaza sem liður í allsherjar þjóðarmorði Ísrael á Palestínumönnum Kristján Þór Sigurðsson Skoðun