Heildarvelta innlendra greiðslukorta nam 101,9 milljörðum króna í júlí sem jafngildir 4,3 prósent hækkun frá fyrra ári. Veltan skiptist þannig að velta debetkorta nam 49,6 milljörðum króna og velta kreditkorta nam 52,3 milljörðum króna. Meðalvelta á dag var 3,28 milljarðar króna sem jafngildir hækkun um 0,9 prósent frá fyrri mánuði.
Þetta kemur fram í nýjum tölum Seðlabanka Íslands sem eru byggðar á upplýsingum frá íslenskum færsluhirðum og kortaútgefendum.
Velta innlendra greiðslukorta í verslunum nam 85,6 milljörðum króna innanlands í júlí 2021. Það er hækkun um 4,3 milljarða milli ára. Velta innlendra greiðslukorta í verslunum erlendis nam 13,8 milljörðum króna. Það er hækkun um 2,2 milljarða króna milli mánaða og 5,2 milljarða frá hærri velta um 5,2 milljarða króna frá fyrra ári.
