Það voru heimamenn í Mönchengladbach sem náðu forystunni strax á tíundu mínútu með marki frá Allasane Plea eftir stoðsendingu frá Lars Stindl.
Það kemur kannski fáum á óvart hver skoraði mark Bayern, en á 42. mínútu skoraði Robert Lewandowski jöfnunarmarkið þegar hann tók boltann á lofti eftir hornspyrnu Joshua Kimmich.
Staðan var því 1-1 þegar flautað var til hálfleiks og hvorugu liðinu tókst að finna sigurmarkið í seinni hálfleik.
Niðurstaðan því 1-1 jafntefli í opnunarleik þýsku úrvalsdeildarinnar í leik þar sem að ríkjandi meisturum mistókst að hefja titilvörnina á sigri.
A point on the road to open the season
— FC Bayern English (@FCBayernEN) August 13, 2021
#BMGFCB 1-1 pic.twitter.com/5iEP9KkJEv