Árs­reikningum skilað fyrr og betur

Þetta kemur fram í samantekt á vef Creditinfo. Þar segir að frá janúar til júlí megi greina þónokkra hlutfallslega aukningu í uppsöfnuðum fjölda reikninga 55 prósent í febrúar, 31 prósent í apríl, 14 prósent í júlí, en í ágúst er uppsöfnuð aukning í fjölda komin niður í 9 prósent.

„Samkvæmt lögum um ársreikninga ber félögum að skila ársreikningi eigi síðar en átta mánuðum eftir lok reikningsárs. Þar sem flest félög hafa uppgjörstímabil frá janúar til desember er skilafresturinn í flestum tilvikum 31. ágúst á hverju ári. Skili félög ekki innan þess tímaramma þurfa þau að greiða sekt að upphæð 600.000 krónum.

Mánaðarleg aukning fram að ágúst er meiri en svo að hún verið útskýrð með fjölgun nýstofnaðra fyrirtækja sem hafa skilað sínum fyrsta ársreikningi fyrir reikningsárið 2020. Um 800 ný félög höfðu skilað ársreikningi fyrir reikningsárið 2020 um miðjan ágúst. Því er útlit fyrir að fleiri íslensk fyrirtæki séu farin að skila ársreikningum tímanlega en áður,“ segir á síðu Creditinfo.