Sport

Enginn bauð sig fram gegn Vöndu til formanns KSÍ

Hjörtur Leó Guðjónsson skrifar
Vanda Sigurgeirsdóttir verður formaður KSÍ til bráðabirgða.
Vanda Sigurgeirsdóttir verður formaður KSÍ til bráðabirgða. mynd/kvan.is

Vanda Sigurgeirsdóttir verður forrmaður bráðabirgðastjórnar Knattspyrnusambands Íslands, KSÍ, en engin mótframboð bárust í formannssætið. Aukaþing verður haldið næsta laugardag, en seinasti dagurinn til að bjóða sig fram var í gær.

Bráðabirgðastjórnin mun starfa fram að kosningum sem fara fram á næsta ársþigni KSÍ sem haldið verður í febrúar á næsta ári. Frá þessu er greint á heimasíðu KSÍ.

Þá hafa þau Borghildur Sigurðardóttir, Ingi Sigurðsson og Valgeir Sigurðsson sent frá sér tilkynningu þess efnis að þau myndu bjóða sig fram aftur í stjórn sambandsins.

„Við undirrituð í stjórn KSÍ höfum tekið ákvörðun um að bjóða okkur fram í bráðabirgðastjórn KSÍ á aukaþingi sambandsins þann 2. október, er mun sitja fram að Ársþingi KSÍ 2022. Það gerum við eftir hvatningu aðildarfélaga víða um land og vonumst til þess að geta lagt okkar af mörkum ásamt þeim einstaklingum sem munu tæki sæti í bráðabirgðastjórn knattspyrnusambandsins," segir í tilkynningunni.

Þóroddur Hjaltalín, sem sat í varastjórn KSÍ, tilkynnti einnig í vikunni að hann myndi bjóða sig fram til endurkjörs.

Eftirtaldir hafa boðið sig fram í embætti formanns KSÍ til bráðabirgða: 

Vanda Sigurgeirsdóttir (Reykjavík)

Eftirtaldir hafa boðið sig fram í stjórn KSÍ til bráðabirgða:

Ásgrímur Helgi Einarsson (Reykjavík) 

Borghildur Sigurðardóttir (Kópavogi)

Guðlaug Helga Sigurðardóttir (Suðurnesjabæ) 

Helga Helgadóttir (Hafnarfirði)

Ingi Sigurðsson (Vestmannaeyjum)

Sigfús Kárason (Reykjavík)

Unnar Stefán Sigurðsson (Reykjanesbæ) 

Valgeir Sigurðsson (Garðabæ)

Eftirtaldir hafa boðið sig fram í varastjórn KSÍ til bráðabirgða:

Kolbeinn Kristinsson (Reykjavík) 

Margrét Ákadóttir (Akranesi)

Þóroddur Hjaltalín (Akureyri)

KSÍ

Tengdar fréttir

Vanda: Yrði gott fyrir hreyfinguna að fá konu sem formann

„Mér þykir mjög vænt um þessa hreyfingu og hef verið hluti af henni allt mitt líf. Mér fannst að þekking mín og reynsla myndi nýtast mjög vel á þeim krossgötum sem við erum á núna,“ segir Vanda Sigurgeirsdóttir en fyrr í morgun varð hún fyrst til þess að bjóða sig fram til formanns KSÍ.

Helga býður sig fram í stjórn KSÍ

Helga Helgadóttir, íþróttastjóri knattspyrnudeildar Hauka og þjálfari, hefur ákveðið að sækjast eftir kjöri í stjórn Knattspyrnusambands Íslands á sérstöku aukaþingi sem haldið verður eftir rúma viku.

Mest lesið


Fleiri fréttir

Sjá meira


×

Mest lesið