Finnst þér mikilvægt að tala um kynlíf við makann?

Ása Ninna Pétursdóttir skrifar 15. október 2021 08:09

Ætli það séu mörg vandamál tengd kynlífi para sem mætti rekja beina leið til samskiptaleysis? Getty

Góð samskipti eru lykilatriði í ástarsamböndum og oft er sagt að pör sem kunni að tala saman geti leyst flest sín vandamál.

Misskilningur vegna samskiptaleysis eða klaufalega samskipta getur valdið vandamálum og togstreitu í samböndum og er því mikilvægt fyrir pör að kunna að tjá sig og vera heiðarleg með langanir sínar og væntingar.

Margir falla nefnilega stundum þá gryfju að reyna að lesa hugsanir makans, án þess þó að gera sér grein fyrir því.

Það eru því mörg vandamál sem spretta út frá tjáningarleysi sem hægt væri að koma í veg fyrir bara með því að kunna að eiga góð samskipti, tala saman.

Þegar kemur að kynlífi er fólk með mjög misjafnar þarfir og þrár og ekki alltaf gefið pör séu opin varðandi sínar hugsanir og langanir.

Ætli tjáningarleysi þegar kemur að kynlífi sé valdur meirhluta vandamála sem fólk er að kljást við á því sviði?

Spurningu vikunnar er beint til allra þeirra sem hafa verið eða eru í ástarsambandi.

Finnst þér mikilvægt að tala um kynlíf við makann?

Makamál hafa síðustu tvö ár spurt lesendur Vísis vikulega um þeirra skoðanir og viðhorf varðandi málefni tengd ástinni, samböndum, tilfinningum og kynlífi.

Fyrir áhugasama er hægt að nálgast allar fyrri Spurningar vikunnar og niðurstöður hér.

Spurning vikunnar Ástin og lífið