Birgir er með þrettán ára reynslu úr fjölmiðlum og hefur síðustu sex ár starfað á fréttastofu Stöðvar 2, Vísis og Bylgjunnar. Þar hefur hann meðal annars getið sér gott orð í fréttaskýringaþættinum Kompás. Hann lætur af störfum um mánaðarmótin.
Í sínu nýja starfi mun Birgir meðal annars sjá um að kynna Play á erlendum mörkuðum, sjá um samskipti við almannatengslastofur og fjölmiðla ásamt því að taka þátt í markaðsstarfi félagsins.
