Ekkert skóla­hald í Eski­fjarðar­skóla vegna smits

Skólayfirvöld í Fjarðabyggð ákváðu þetta í samráði aðgerðastjórn á Austurlandi í gær.

Á vef lögreglunnar segir að allir starfsmenn skólans og nemendur séu hvattir til að fara í PCR-sýnatöku í dag á Heilsugæslustöðina á Reyðarfirði milli klukkan 12:00 og 13:00.

„Þeir eru og beðnir um að halda sig til hlés fram til þess að niðurstaða sýnatöku verður ljós, sem ætti að vera annað kvöld.

Aðgerðastjórn fylgist með gangi mála og sendir út aðra tilkynningu þegar frekari upplýsingar liggja fyrir.“