Willum Þór Þórsson, heilbrigðisráðherra, greindi frá þessu á blaðamannafundi ríkisstjórnarinnar í dag.
Ekki verður gerð krafa um hraðpróf hjá áhorfendum.
Þetta þýðir að áhorfendur ættu til að mynda að geta mætt á viðburði Reykjavíkurleikanna sem hefjast á morgun, leiki í Olís-deild kvenna í handbolta á morgun og fleiri íþróttaviðburði sem fram undan eru.
Íþróttakeppnir hafa verið heimilar án áhorfenda síðustu vikur.
Sundlaugar, líkamsræktarstöðvar og skíðasvæði hafa heimild til að taka á móti 75% leyfilegs fjölda gesta í stað 50% áður.
