„Lífið tekur mann stundum í aðra átt“

Sveitin gaf út sitt fyrsta lag „Nobody“ í júlí 2021 og er því komin tími á nýtt lag. „Við ætluðum að vera löngu búnar að gefa þetta út, en lífið tekur mann stundum í aðra átt og frestaðist því útgáfan á laginu aðeins. „Við erum ekkert smá spenntar að deila þessu loksins með heiminum“ segir Alexandra. Þær sáu sjálfar um innspilun á laginu í sitthvoru heima stúdíóinu þar sem að Alexandra er búsett í Svíþjóð en sá hún svo um útsetningu og hljóðblöndun.

Hildur samdi lagið og textann og fjallar það um að vera fastur á litlausum stað og þrá að kynnast öllu litrófi lífsins, „Ég hugsaði textann út frá því að fæðast á stað sem væri grár, dimmur, litlaus og kaldur en svo myndu náttúruöflin, s.s. „vindurinn, feykja mér á betri stað“ segir Hildur. Monstra þakkar Ólafi Erni Arnarsyni fyrir notkun á verki fyrir laga umslagið og er hægt að sjá fleiri frábær verk eftir hann hér.

Monstra er með fleiri lög í bígerð og stefnan er að gefa út EP-plötu á árinu.