Enski boltinn

Skandinaviskur sigur Brentford í nýliðaslagnum

Arnar Geir Halldórsson skrifar
Sigurmarkinu fagnað
Sigurmarkinu fagnað vísir/Getty

Vandræði Watford í ensku úrvalsdeildinni héldu áfram í dag þegar liðið fékk nýliða Brentford í heimsókn.

Danski miðjumaðurinn Christian Norgaard kom Brentford í forystu eftir fimmtán mínútna leik þegar hann skoraði eftir stoðsendingu norska varnarmannsins Kristoffer Ajer. 

Emmanuel Dennis jafnaði metin fyrir Watford snemma í síðari hálfleik eftir undirbúning Ismaila Sarr og leit lengi út fyrir að liðin myndu skilja jöfn.

Djúpt inn í uppbótartíma náðu gestirnir hins vegar inn sigurmarki þegar sænski varnarmaðurinn Pontus Jansson skoraði eftir stoðsendingu Danans Christian Eriksen.

Lokatölur 1-2 fyrir Brentford sem sigla lygnan sjó um um miðja deild á meðan fallið blasir við Watford.

Enski boltinn

Mest lesið


Fleiri fréttir

Sjá meira


×

Mest lesið