Handbolti

Framarar byrjaðir að safna liði fyrir næsta tímabil

Arnar Geir Halldórsson skrifar
Nýjustu Framararnir.
Nýjustu Framararnir. Facebook/Fram handbolti

Þó handboltatímabilið sé enn í fullum gangi hér á landi eru Framarar byrjaðir að styrkja lið sitt fyrir næsta tímabil.

Í gær tilkynnti félagið um að það hefði náð samningum við þá Luka Vukicevic og Marko Coric sem koma til Framara frá austurríska úrvalsdeildarliðinu Bregenz.

Vukicevic er tvítugur Svartfellingur sem hefur leikið fyrir A-landslið Svartfjallalands en hann leikur stöðu hægri skyttu.

Coric er 25 ára gamall Króati sem hefur leikið með yngri landsliðum Króata en hann er stór og stæðilegur línumaður.

Framarar mæta Val í 8-liða úrslitum Olís deildarinnar í dag.

Olís-deild karla Fram

Mest lesið


Fleiri fréttir

Sjá meira


×

Mest lesið