Tónlist

Árný Fjóla verður stigakynnir Íslands á úrslitakvöldi Eurovision

Sylvía Rut Sigfúsdóttir skrifar
Árný Fjóla á blaðamannafundi úti í Rotterdam.
Árný Fjóla á blaðamannafundi úti í Rotterdam. Gísli Berg

Árný Fjóla Ásmundsdóttir meðlimur í Gagnamagninu verður stigakynnir Íslands í Eurovision keppninni í ár.

„Það er mikill heiður að fá að kynna stigin enda engir smá karakterar sem hafa gert það hingað til,“ er haft eftir tónlistarkonunni á vef RÚV. 

Árný keppti ásamt Gagnamagninu fyrir Íslands hönd í Eurovision á síðasta ári og enduðu þau í fjórða sæti í keppninni, sem er næst besti árangur Íslands. Tvisvar höfum við lent í öðru sæti. 

„Ég er mjög spennt og hef fengið Lovísu Tómas til að sauma á mig svo ég líti nú þokkalega út þessar örfáu sekúndur.”

Úrslitakvöld Eurovision fer fram í Torino á Ítalíu laugardaginn 14. maí. 

Eurovision Tónlist Ríkisútvarpið

Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.