Minna talað á Alþingi í kvöld en oft áður Heimir Már Pétursson skrifar 8. júní 2022 13:49 Eldhúsdagsumræður, öðru nafni almennar stjórnmálaumræður, hefjast á Alþingi klukkan 19:35 í kvöld. Vísir Breytt fyrirkomulag verður á eldhúsdagsumræðum á Alþingi í kvöld með það að markmiði að stytta umræðurnar. Forseti Alþingis segir til greina koma að breyta einnig fyrirkomulagi á umræðum um stefnuræðu forsætisráðherra. Umræður um stefnuræðu forsætisráðherra á haustþingi og svo kallaðar eldhúsdagsumræður á Alþingi á vorin hafa verið fastir liðir og í föstum skorðum eins lengi og elstu menn muna. Í báðum tilvikum hafa verið þrjár umferðir í umræðunum þar sem fulltrúar allra flokka á þingi taka til máls. Eldhúsdagsumræður fara fram klukkan 19:35 í kvöld og í þetta skiptið verða umferðirnar einungis tvær. Birgir Ármannsson forseti Alþingis segir þingflokksformenn hafi sýnt áhuga á að stytta umræðuna og einfaldasta leiðin hafi verið að fækka umferðum. Birgir Ármannsson forseti Alþingis segir þingflokksformenn hafa náð samkomulagi um að fækka umferðum úr þremur í tvær fyrir eldhúsdagsumræðurnar í kvöld.Vísir/Vilhelm „Það sem hefur auðvitað verið að gerast undanfarin ár er að með fjölgun flokka í þinginu hefur þessi umræða lengst. Það hafa komið upp sjónarmið um að það gæti verið ástæða til að stytta hana. Þá er þetta tilraun til að nálgast það,“ segir Birgir. Umræðan í kvöld verði því um tvær klukkustundir en fyrri umræður hafi farið upp í allt að tvær klukkustundir og fjörutíu mínútur. Þingflokksformenn séu síðan sammála um að ræða fyrirkomulag bæði eldhúsdagsumræðnanna og umræðna um stefnuræðu forsætisráðherra frekar þótt stefnuræðan væri aðeins fastari í forminu. En um þessar umræður væri alltaf samið fyrir fram á milli þingflokksformanna. „Eitt af því sem hefur stundum verið rætt er hvort hægt væri að nýta þetta svo kallaða andsvara fyrirkomulag sem við notum í öðrum umræðum í þinginu. Þar sem einn eða fleiri þingmenn geta brugðist við orðum ræðumanns með örstuttri athugasemd. Það er kannski aðeins flóknara í framkvæmd. Hins vegar verða svoleiðis umræður oft dálítiðsnarpari og líflegri,“ segir forseti Alþingis. Fjármálaráðherra sýnir marvælaráðherra eitthvað markvert á símanum sínum. Þau tala hvorugt í umræðunum í kvöld.Vísir/Vilhelm Athygli vekur að strax á eftir eldhúsdagsumræðunum munu ónefndir sérfræðingar fara yfir umræðurnar í beinni útsendingu Ríkissjónvarpsins frá Alþingi. En strangar reglur gilda á Alþingi um að þar megi einungis taka viðtöl við þingmenn og starfsfólk þingsins. „Af praktískum ástæðum þótti rétt að gera þessa undantekningu núna. Það er hins vegar auðvitað eitthvað sem líka verður metið í ljósi reynslunnar.“ Þannig að það kemur þá alveg eins til greina að hleypa fleiri sjónvarpsstöðvum að með slíka dagskrá að loknum eldhúsdegi og stefnuræðu? „Það er auðvitað ekkert útilokað í því,“ segir Birgir Ármannsson. Fyrirkomulag umræðunnar Röð flokkanna verður þessi í báðum umferðum: Samfylkingin, Sjálfstæðisflokkur, Flokkur fólksins, Framsóknarflokkur, Píratar, Vinstrihreyfingin – grænt framboð, Viðreisn og Miðflokkurinn. Fyrir Samfylkinguna tala í fyrri umferð Helga Vala Helgadóttir, 4. þm. Reykjavíkurkjördæmis norður, og í þeirri seinni Jóhann Páll Jóhannsson, 11. þm. Reykjavíkurkjördæmis norður. Ræðumenn Sjálfstæðisflokksins eru Þórdís Kolbrún R. Gylfadóttir, utanríkisráðherra, í fyrri umferð og Berglind Ósk Guðmundsdóttir, 6. þm. Norðausturkjördæmis, í seinni umferð. Fyrir Flokk fólksins tala Guðmundur Ingi Kristinsson, 9. þm. Suðvesturkjördæmis, í fyrri umferð og Ásthildur Lóa Þórsdóttir, 3. þm. Suðurkjördæmis, í seinni umferð. Ræðumenn Framsóknarflokksins eru Ingibjörg Isaksen, 1. þm. Norðausturkjördæmis, í fyrri umferð, og Stefán Vagn Stefánsson, 1. þm. Norðvesturkjördæmis, í þeirri seinni. Ræðumenn Pírata eru í fyrri umferð Þórhildur Sunna Ævarsdóttir, 7. þm. Suðvesturkjördæmis, og í seinni umferð Arndís Anna Kristínardóttir Gunnarsdóttir, 11. þm. Reykjavíkurkjördæmis suður. Fyrir Vinstrihreyfinguna – grænt framboð tala Orri Páll Jóhannsson, 10. þm. Reykjavíkurkjördæmis suður, í fyrri umferð og Bjarni Jónsson, 4. þm. Norðvesturkjördæmis, í seinni umferð. Fyrir Viðreisn tala í fyrri umferð Hanna Katrín Friðriksson, 8. þm. Reykjavíkurkjördæmis suður, og í þeirri seinni Þorbjörg Sigríður Gunnlaugsdóttir, 8. þm. Reykjavíkurkjördæmis norður. Fyrir Miðflokkinn tala Sigmundur Davíð Gunnlaugsson, 7. þm. Norðausturkjördæmis, í fyrri umferð, og í þeirri seinni Bergþór Ólason, 8. þm. Norðvesturkjördæmis. Alþingi Mest lesið Fjölskylda flugmanns Icelandair vill að lögregla rannsaki andlát hans Innlent Mamma bara María þegar mæðgurnar eru saman á vakt Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Önnur vopnageymsla í ljósum logum í Rússlandi Erlent Stjörnublaðamaður í straff vegna sambands við Kennedy Erlent Maður margra storma íhugar stöðu sína Innlent Vörpuðu líkum fram af húsþaki á Vesturbakkanum Erlent Framboð Baldurs þurfti að endurgreiða styrki sem fóru yfir hámark Innlent Eiginmaður íslenskrar konu lét sig hverfa rétt eftir brúðkaupið Innlent Fleiri fréttir Telja fleiri vera að falla á nýjum bílprófum Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Sjá meira
Umræður um stefnuræðu forsætisráðherra á haustþingi og svo kallaðar eldhúsdagsumræður á Alþingi á vorin hafa verið fastir liðir og í föstum skorðum eins lengi og elstu menn muna. Í báðum tilvikum hafa verið þrjár umferðir í umræðunum þar sem fulltrúar allra flokka á þingi taka til máls. Eldhúsdagsumræður fara fram klukkan 19:35 í kvöld og í þetta skiptið verða umferðirnar einungis tvær. Birgir Ármannsson forseti Alþingis segir þingflokksformenn hafi sýnt áhuga á að stytta umræðuna og einfaldasta leiðin hafi verið að fækka umferðum. Birgir Ármannsson forseti Alþingis segir þingflokksformenn hafa náð samkomulagi um að fækka umferðum úr þremur í tvær fyrir eldhúsdagsumræðurnar í kvöld.Vísir/Vilhelm „Það sem hefur auðvitað verið að gerast undanfarin ár er að með fjölgun flokka í þinginu hefur þessi umræða lengst. Það hafa komið upp sjónarmið um að það gæti verið ástæða til að stytta hana. Þá er þetta tilraun til að nálgast það,“ segir Birgir. Umræðan í kvöld verði því um tvær klukkustundir en fyrri umræður hafi farið upp í allt að tvær klukkustundir og fjörutíu mínútur. Þingflokksformenn séu síðan sammála um að ræða fyrirkomulag bæði eldhúsdagsumræðnanna og umræðna um stefnuræðu forsætisráðherra frekar þótt stefnuræðan væri aðeins fastari í forminu. En um þessar umræður væri alltaf samið fyrir fram á milli þingflokksformanna. „Eitt af því sem hefur stundum verið rætt er hvort hægt væri að nýta þetta svo kallaða andsvara fyrirkomulag sem við notum í öðrum umræðum í þinginu. Þar sem einn eða fleiri þingmenn geta brugðist við orðum ræðumanns með örstuttri athugasemd. Það er kannski aðeins flóknara í framkvæmd. Hins vegar verða svoleiðis umræður oft dálítiðsnarpari og líflegri,“ segir forseti Alþingis. Fjármálaráðherra sýnir marvælaráðherra eitthvað markvert á símanum sínum. Þau tala hvorugt í umræðunum í kvöld.Vísir/Vilhelm Athygli vekur að strax á eftir eldhúsdagsumræðunum munu ónefndir sérfræðingar fara yfir umræðurnar í beinni útsendingu Ríkissjónvarpsins frá Alþingi. En strangar reglur gilda á Alþingi um að þar megi einungis taka viðtöl við þingmenn og starfsfólk þingsins. „Af praktískum ástæðum þótti rétt að gera þessa undantekningu núna. Það er hins vegar auðvitað eitthvað sem líka verður metið í ljósi reynslunnar.“ Þannig að það kemur þá alveg eins til greina að hleypa fleiri sjónvarpsstöðvum að með slíka dagskrá að loknum eldhúsdegi og stefnuræðu? „Það er auðvitað ekkert útilokað í því,“ segir Birgir Ármannsson. Fyrirkomulag umræðunnar Röð flokkanna verður þessi í báðum umferðum: Samfylkingin, Sjálfstæðisflokkur, Flokkur fólksins, Framsóknarflokkur, Píratar, Vinstrihreyfingin – grænt framboð, Viðreisn og Miðflokkurinn. Fyrir Samfylkinguna tala í fyrri umferð Helga Vala Helgadóttir, 4. þm. Reykjavíkurkjördæmis norður, og í þeirri seinni Jóhann Páll Jóhannsson, 11. þm. Reykjavíkurkjördæmis norður. Ræðumenn Sjálfstæðisflokksins eru Þórdís Kolbrún R. Gylfadóttir, utanríkisráðherra, í fyrri umferð og Berglind Ósk Guðmundsdóttir, 6. þm. Norðausturkjördæmis, í seinni umferð. Fyrir Flokk fólksins tala Guðmundur Ingi Kristinsson, 9. þm. Suðvesturkjördæmis, í fyrri umferð og Ásthildur Lóa Þórsdóttir, 3. þm. Suðurkjördæmis, í seinni umferð. Ræðumenn Framsóknarflokksins eru Ingibjörg Isaksen, 1. þm. Norðausturkjördæmis, í fyrri umferð, og Stefán Vagn Stefánsson, 1. þm. Norðvesturkjördæmis, í þeirri seinni. Ræðumenn Pírata eru í fyrri umferð Þórhildur Sunna Ævarsdóttir, 7. þm. Suðvesturkjördæmis, og í seinni umferð Arndís Anna Kristínardóttir Gunnarsdóttir, 11. þm. Reykjavíkurkjördæmis suður. Fyrir Vinstrihreyfinguna – grænt framboð tala Orri Páll Jóhannsson, 10. þm. Reykjavíkurkjördæmis suður, í fyrri umferð og Bjarni Jónsson, 4. þm. Norðvesturkjördæmis, í seinni umferð. Fyrir Viðreisn tala í fyrri umferð Hanna Katrín Friðriksson, 8. þm. Reykjavíkurkjördæmis suður, og í þeirri seinni Þorbjörg Sigríður Gunnlaugsdóttir, 8. þm. Reykjavíkurkjördæmis norður. Fyrir Miðflokkinn tala Sigmundur Davíð Gunnlaugsson, 7. þm. Norðausturkjördæmis, í fyrri umferð, og í þeirri seinni Bergþór Ólason, 8. þm. Norðvesturkjördæmis.
Alþingi Mest lesið Fjölskylda flugmanns Icelandair vill að lögregla rannsaki andlát hans Innlent Mamma bara María þegar mæðgurnar eru saman á vakt Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Önnur vopnageymsla í ljósum logum í Rússlandi Erlent Stjörnublaðamaður í straff vegna sambands við Kennedy Erlent Maður margra storma íhugar stöðu sína Innlent Vörpuðu líkum fram af húsþaki á Vesturbakkanum Erlent Framboð Baldurs þurfti að endurgreiða styrki sem fóru yfir hámark Innlent Eiginmaður íslenskrar konu lét sig hverfa rétt eftir brúðkaupið Innlent Fleiri fréttir Telja fleiri vera að falla á nýjum bílprófum Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Sjá meira