Leeds hefur skellt 65 milljón punda verðmiða á Raphinha sem virðist færast nær því að yfirgefa félagið með hverjum degi sem líður. Arsenal, Tottenham, Chelsea og Barcelona hafa öll spurst fyrir um leikmanninn en leikmaðurinn á sjálfur að hafa náð samkomulagi við Barcelona.
Blaðamaðurinn Ben Jacobs segist hafa heimildir innan herbúða Leeds að félagið horfi til Hakim Ziyech, leikmanns Chelsea, fari svo að Raphinha yfirgefi Leeds.
Chelsea er í leit að öðrum vængmanni en ásamt Raphinha hefur félagið einnig verið orðað við Raheem Sterling, leikmann Manchester City. Talið er að leiktími Ziyech hjá Chelsea muni minnka á næsta tímabili.
Leeds er ekki að leitast eftir því að fara með peningana sem þeir gætu fengið fyrir Raphinha beint í bankann samkvæmt Jacobs, heldur mun liðið þurfa að styrkja sig í kjölfarið. Það gæti því farið svo að Chelsea vinni kapphlaupið um Brassann ef liðið getur notað Ziyech sem skiptimynt.
Leeds United have been pretty clear with all clubs interested in Raphinha: he can leave but they want at least £65m fee. 🇧🇷 #LUFC
— Fabrizio Romano (@FabrizioRomano) June 22, 2022
Arsenal after first bid rejected, Spurs after new direct talks, Chelsea after contact through Boehly… and Barça via Deco, got the same message. pic.twitter.com/DXKcNY0Rq5