Myndband: Kynning á Hyundai Ioniq 5 með Ísland í aðalhlutverki

Kristinn Ásgeir Gylfason skrifar 6. júlí 2022 07:01

Auglýsingatökulið á vegum Hyundai kom hingað til lands í apríl og tók upp kynningarmyndband fyrir Hyundai Ioniq 5. Myndbandið sýnir fallegt landslag Íslands, náttúru og dýralíf og fylgir fréttinni.

Þegar kom að markaðssetningu valdi Hyundai að sýna Ioniq 5 á þremur stöðum í heiminum sem hafa hver á sinn hátt búið yfir áskorunum fyrir rafbíla sem sigrast þurfti á. Ísland er einn þessara staða sem Hyundai valdi. Það má leiða líkum að því að töluverð landkynning sé fólgin í myndbandi sem þessu.

Hyundai skilgreinir IONIQ 5 sem einstakan bíl í þéttbýli fyrir það hversu rúmgóður hann er, hlaðinn nýjustu tækni og þægindum og umfram allt góðu öryggi fyrir bæði ökumann og farþega og í raun umhverfið allt.

Ein ástæða þess að Ioniq 5 var kjörinn heimsbíll ársins var líka vegna möguleikanna sem hann býr yfir og gera kleift að fara hvert á land sem er; á vit ævintýranna til að njóta þess sem náttúran býður upp á. Þar kemur til mikil drægni og fullkomin hleðslutækni sem gerir kleift að hlaða Ioniq 5 í 80% á aðeins 18 mínútum.

Vistvænir bílar