Erling Haaland virðist ætla að skora í hvert skipti sem hann mættir á leikvöllinn en Norðmaðurinn tryggði Manchester City 2-1 sigur á Dortmund með marki á 84. mínútu í Meistaradeildinni í kvöld.
Jude Bellingham kom Dortmund yfir með skallamarki á 56. mínútu eftir fyrirgjöf Marco Reus áður en John Stones jafnaði með óverjandi þrumuskoti fyrir utan vítateig Dortmund á 80. mínútu.
Aðeins fjórum mínútum eftir mark Stones var Haaland búinn tryggja City stigin þrjú. Utanfótar fyrirgjöf Joao Cancelo fór þá inn í vítateig þar sem að fimur Haaland náði einhvern veginn að koma stóru tánni í boltann með viðstöðulausu skoti.
Mark Haaland var 20. mark hans í Meistaradeildinni í aðeins 25 leikjum. Haaland hefur nú skorað eitt mark að meðaltali á 54 mínútna fresti í Meistaradeildinni.
City fer með sigrinum eitt á topp G-riðls með sex stig eftir tvo leiki. Dortmund er á sama tíma í öðru sæti með þrjú stig. Sevilla og FCK koma þar í kjölfarið en FCK og Sevilla gerðu markalaust jafntefli í hinum leik riðilsins í kvöld.
"When he enjoys his football he scores goals."
— Football on BT Sport (@btsportfootball) September 14, 2022
it's that simple!
A goal every 54 minutes in Erling Haaland's #UCL career so far 🥵@JoleonLescott, @rioferdy5 and Owen Hargreaves look at the incredible form the forward is showing in this competition... pic.twitter.com/9gY9d8ovZY
