Lífið

Íris Tanja og Elín Ey trú­lofaðar

Bjarki Sigurðsson skrifar
Íris Tanja hefur verið að gera góða hluti í leiklistinni og var meðal annars í Kötlu og Ófærð. Elín Ey er í tónlistinni og keppti fyrir hönd Íslands í Eurovision á þessu ári.
Íris Tanja hefur verið að gera góða hluti í leiklistinni og var meðal annars í Kötlu og Ófærð. Elín Ey er í tónlistinni og keppti fyrir hönd Íslands í Eurovision á þessu ári. Skjáskot/Instagram

Tónlistarkonan Elín Eyþórsdóttir og dans- og leikkonan Íris Tanja Flygering hafa trúlofað sig. Íris fór nýlega á skeljarnar og sagði Elín já.

Þær greindu frá sambandi sínu í mars á þessu ári, stuttu eftir að Elín sigraði Söngvakeppni sjónvarpsins ásamt systrum sínum með laginu Með hækkandi sól. Þær systur kepptu síðan fyrir Íslands hönd í Eurovision í Tórínó í maí. 

Þær greina frá trúlofuninni í sameiginlegri færslu á Instagram í kvöld. Textinn við myndina er skrifaður af Írisi og er afar einfaldur: „hún sagði já🤍“.

Íris er orðin ein vinsælasta leikkona Íslands og fór hún með eitt aðalhlutverka í þáttunum Kötlu sem sýndir voru á Netflix á síðasta ári. Þá hefur hún dansað með hljómsveitinni Hatara upp á síðkastið. Íris á tvö börn úr fyrra sambandi. 

Ástin og lífið

Tengdar fréttir

Elín Ey og Íris Tanja nýtt par

Tónlistarkonan Elín Eyþórsdóttir og leikkonan Íris Tanja Flygenring eru nýtt par. Parið byrjaði nýlega saman og eru þær býsna lukkulegar með hvor aðra. Íris Tanja hefur stutt Elínu í gegnum Söngvakeppnina og er ánægð með árangurinn.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.