Arna Lára vann ritara­slaginn

Arna Lára var kjörin á landsfundi Samfylkingarinnar í morgun með tæplega sextíu prósent greiddra atkvæða.

„Það eru auðvitað miklar breytingar í kortunum hjá Samfylkingunni og við eigum mikil sóknarfæri. Ég sé að það eru spennandi breytingar fram undan og við erum að fá nýjan formann sem mér finnst mjög spennandi og ég bara tel að reynslan mín geti nýst vel í forystusveit flokksins og breikkað ásýnd hennar. Ég er náttúrulega mikil landsbyggðarkona og staðan er auðvitað sú að í mínu kjördæmi, Norðvesturkjördæmi, þá eigum við ekki þingmann og mér finnst það skipta máli að ásýnd flokksins sé þannig að landsbyggðin eigi sinn fulltrúa í æðstu stjórn flokksins,“ sagði Arna Lára þegar hún tilkynnti um að hún gæfi kost á sér í embætti ritara.

Gegn Örnu Láru í framboði var Alexandra Ýr van Erven, sem kjörin var ritari flokksins á síðasta landsfundi árið 2020.