Viðvörunin tekur gildi klukkan sex í fyrramálið og er í gildi til klukkan 16 á morgun.
Spáð er norðaustan hvassviðri eða stormi, fimmtán til 25 metrum á sekúndu, þar sem hvassast verður í Öræfum.
„Búast má við mjög snörpum vindhviðum við fjöll staðbundið yfir 35 m/s í Öræfum, sem geta verið hættulegar fyrir vegfarendur með aftanívagna eða á ökutækjum sem taka á sig mikinn vind. Búast má við samgöngutruflunum og sandfoki,“ segir á vef Veðurstofunnar.
