Bankasýslan bregst við Íslandsbankaskýrslunni: Framkvæmd sölunnar hafi verið í fullu samræmi við lög Árni Sæberg skrifar 13. nóvember 2022 20:53 Jón Gunnar Jónsson er forstjóri Bankasýslu ríkisins. Stöð 2/Rúnar Bankasýsla ríkisins gerir viðamiklar athugasemdir við skýrslu Ríkisendurskoðunar um sölu á hlut ríkisins í Íslandsbanka, sem birt verður á morgun. Bankasýslan segir meðal annars að fyrirkomulag sölunnar hafi verið í fullu samræmi við lög og reglur og að starfsfólk stofnunarinnar búi yfir haldgóðri menntun og mikilli reynslu af umsýslu og sölu á eignarhlutum ríkisins í fjármálafyrirtækjum. Íslandsbankaskýrslunnar svokölluðu hefur verið beðið síðan í júní síðastliðnum, þegar hún átti upphaflega að líta dagsins ljós. Nú hefur Ríkisendurskoðun lokið við skýrslu sína um söluna á Íslandsbanka og skilað til Alþingis. Skýrslan verður gerð opinber eftir fund stjórnskipunar- og eftirlitsnefndar þingsins um hana á morgun. Fréttastofa hefur hana undir höndum. Í skýrslunni eru settar fram ábendingar í fimm liðum. Sú fyrsta er að öflugan ríkisaðila þurfi til þess að fylgja eftir eigendastefnuríkisins fyrir fjármálafyrirtæki. Í viðbrögðum Bankasýslunnar kemur fram að hún fallist á þá ábendingu. Hins vegar segir að starfsmenn Bankasýslunnar hafi í senn haldgóða háskólamenntun á sínum sérfræðisviðum sem og mikla reynslu af umsýslu og sölu á eignarhlutum ríkisins í fjármálafyrirtækjum og af störfum á fjármálamarkaði, hérlendis og erlendis. „Benda má á að stofnunin hefur þrisvar sinnum selt eignarhluti í fjármálafyrirtækjum með þremur mismunandi aðferðum og aflað þannig ríkissjóði rúmlega 130 ma. kr. Þá hefur stofnunin leitt sameiningar fjögurra sparisjóða inn í Landsbankann hf.,“ segir Bankasýslan. Þá segir að í skýrslu drögunum hafi ekki komið fram hvaða atriði eða ákvarðanir í ferlinu hafi ekki verið í samræmi við eigendastefnu ríkisins fyrir fjármálafyrirtæki. Því skorti tengsl á milli efnislegrar umfjöllunar um hlutverk og ákvarðanir stjórnvalda og hvað hafi farið úrskeiðis í ferlinu að því leyti. Telur sig hafa upplýst þingnefndir með fullnægjandi hætti Önnur ábending Ríkisendurskoðunar snýr að því að tryggja þurfi fullnægjandi upplýsingagjöf og gagnsæi gagnvart þeim þingnefndum sem fjalla um fyrirhugaðar sölur á eignarhlut ríkisins í fjármálafyrirtækjum. „Bankasýsla ríkisins tekur undir þessa ábendingu, enda telur stofnunin sig hafa upplýst þingnefndir með fullnægjandi hætti í ferlinu eins og gögn málsins benda til og bent hefur verið á í athugasemdum. Stofnunin áréttar að framkvæmd sölunnar 21.–23. mars sl. var með nákvæmlega sama hætti og henni var lýst í minnisblaði stofnunarinnar þann 20. janúar sl. og í kynningum fyrir þingnefndir þann 21. og 24. febrúar sl., eins og nánar hefur verið rakið hér að framan,“ segir í viðbrögðum Bankasýslunnar við ábendingunni. Verkefnið frábrugðið öðrum verkefnum ríkisins Því næst bendir Ríkisendurskoðun á að tryggja þurfi eftir fremsta megni að hlutlægni sé gætt við ákvarðanatöku við sölu á eignarhlutum ríkisins og að mat við úrlausn söluferla hvíli sem minnst á huglægum forsendum. Í því sambandi þurfi að gæta þess að viðmið um matskennda þætti séu skýr frá upphafi og eigi tilhlýðilega lagastoð. Bankasýslan tekur undir þau sjónarmið, enda hafi hafi ákvarðanir hennar verið vel rökstuddar með vísan í öll viðeigandi lög, eigandastefnu ríkisins fyrir fjármálafyrirtæki og ákvörðun fjármálaráðherra um söluna á hlut ríkisins í Íslandsbanka. „Aftur á móti verður jafnframt að hafa í huga, eins og ítarlega hefur verið rakið í athugasemdum stofnunarinnar, að þegar ráðist er í sölu á hlutum í skráðu félagi, og þá sérstaklega þegar óvissa ríkir á fjármálamörkuðum, er eðli þeirra verkefna sem um ræðir þannig að ógerlegt er að vita það fyrir fram hvaða þættir verði veigameiri en aðrir í endanlegri ákvörðun um útboðsverð, útboðsmagn og úthlutun til fjárfesta. Að því leyti er verkefnið frábrugðið mörgum öðrum verkefnum hins opinbera, m.a. þar sem um er að ræða hefðbundna sölu á eignum ríkisins,“ segir Bankasýslan. Fallast ekki á að gæta þurfi að hægt sé að skoða ákvarðanir eftir á Fjórða ábending Ríkisendurskoðunar snýr að mikilvægi þess að ákvarðanir séu skjalfestar og gagnsæi tryggt. Þar segir meðal annars að gæta þurfi að því að hægt sé að prófa ákvarðanir og framkvæmd sölu á eignarhlutum ríkisins í fjármálafyrirtækjum eftir á, bæði af almenningi og viðeigandi eftirlitsaðilum. Bankasýslan kveðst ekki geta tekið undir það með Ríkisendurskoðun og segir að texti hljóti að hafa misritast. Að öðru leyti tekur Bankasýslan undir þau sjónarmið að almennt sé mikilvægt að tryggja skráningu og gagnsæi í slíku söluferli. Slíkt sé ekki eingöngu í samræmi við góða stjórnsýsluhætti heldur byggi jafnframt á lögum. Sú hafi raunin verið í tilviki sölunnar á hlut ríkisins í Íslandsbanka. Bankasýslan hafi bent á á að framkvæmd sölunnar hafi verið í fullu samræmi við lög og reglur sem um hana gilda sem og lýsingu þar að lútandi í minnisblaði Bankasýslu ríkisins til fjármála- og efnahagsráðherra, greinargerð ráðherra, og í kynningum Bankasýslu ríkisins fyrir fjárlaganefnd og efnahags- og viðskiptanefnd sem og ákvörðun ráðherra. „Þá voru endanlegt söluverð og stærð eignarhlutarins ákveðin af ráðherra að undangengnu rökstuddu mati Bankasýslu ríkisins, samanber ákvæði laga um sölumeðferð eignarhluta ríkisins í fjármálafyrirtækjum, eftir að markaðsverðs var leitað, meðal annars í kjölfar markaðsþreifinga, samanber ákvæði laga um aðgerðir gegn markaðssvikum. Þetta kom fram í svörum Bankasýslu ríkisins til Ríkisendurskoðunar,“ segir Bankasýslan. Gættu í hvívetna að viðhafa góða viðskiptahætti Bankasýslan segir að við framkvæmd sölunnar hafi þess verið gætt í hvívetna að viðhafa góða viðskiptahætti, samanber ákvæði laga um Bankasýsluna og viðteknar venjur á verðbréfamörkuðum. „Staðreynd málsins er sú að Bankasýsla ríkisins hefur með málefnalegum rökum og vísan til gagna rökstutt sérhverja ákvörðun sem tekin var í söluferlinu. Lengra verður vart gengið í kröfum um ex post facto prófun og gagnsæi,“ segir Bankasýslan. Ex post facto prófun þýðir á íslensku prófun eftir á. Lagði sérstaka áherslu á orðspor ríkisins Að lokum benti Ríkisendurskoðun á að mikilvægt væri að fyrirbyggja hagsmunaárekstra og orðsporsáhættu. Við sölu á eignarhlut ríkisins í fjármálafyrirtæki geti sú tilhögun að viðkomandi fyrirtæki komi með beinum hætti að sölunni (sem umsjónaraðili, söluráðgjafi eða söluaðili) verið til þess fallin að grafa undan vægi lögbundinna sjónarmiða um jafnræði og hlutlægni. Áhætta vegna hagsmunaárekstra aukist sem og orðsporsáhætta ríkisins. Bankasýslan tekur undir þetta, enda hafi hún í allri sinni framkvæmd lagt sérstaka áherslu á orðspor íslenska ríkisins sem eiganda og seljanda í þeim útboðum sem stofnunin hefur séð um fyrir hönd ráðherra, eins og nánar hefur verið rakið í athugasemdum stofnunarinnar af þessu tilefni. „Bankasýsla ríkisins tekur einnig undir að fyrirbyggja þurfi hagsmunaárekstra og má til viðbótar við þær röksemdir sem hér hafa verið raktar benda á að hún fékk til starfa sjálfstæðan fjármálaráðgjafa við úrlausn verkefnisins,“ segir Bankasýslan að lokum. Salan á Íslandsbanka Íslenskir bankar Stjórnsýsla Íslandsbanki Alþingi Tengdar fréttir Íslandsbankaskýrslunni enn og aftur frestað Afhendingu á skýrslu Ríkisendurskoðunar um sölu ríkisins á hlut í Íslandsbanka hefur verið frestað á ný. Til stóð að afhenda skýrsluna fyrir helgi en ekkert verður úr því. 31. október 2022 12:40 Hagnaður upp á 7,5 milljarða hjá Íslandsbanka Hagnaður af rekstri Íslandsbanka á þriðja ársfjórðungi 2022 nam 7,5 milljörðum króna. Hreinar vaxtatekjur jukust um 28,7 prósent milli ára. Kostnaðarhlutfall bankans lækkaði úr 39,4 prósentum í 36,3 prósent. 27. október 2022 20:58 Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Kaupfélagið á bak við risaviðskipti í Iceland Seafood Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Sjá meira
Íslandsbankaskýrslunnar svokölluðu hefur verið beðið síðan í júní síðastliðnum, þegar hún átti upphaflega að líta dagsins ljós. Nú hefur Ríkisendurskoðun lokið við skýrslu sína um söluna á Íslandsbanka og skilað til Alþingis. Skýrslan verður gerð opinber eftir fund stjórnskipunar- og eftirlitsnefndar þingsins um hana á morgun. Fréttastofa hefur hana undir höndum. Í skýrslunni eru settar fram ábendingar í fimm liðum. Sú fyrsta er að öflugan ríkisaðila þurfi til þess að fylgja eftir eigendastefnuríkisins fyrir fjármálafyrirtæki. Í viðbrögðum Bankasýslunnar kemur fram að hún fallist á þá ábendingu. Hins vegar segir að starfsmenn Bankasýslunnar hafi í senn haldgóða háskólamenntun á sínum sérfræðisviðum sem og mikla reynslu af umsýslu og sölu á eignarhlutum ríkisins í fjármálafyrirtækjum og af störfum á fjármálamarkaði, hérlendis og erlendis. „Benda má á að stofnunin hefur þrisvar sinnum selt eignarhluti í fjármálafyrirtækjum með þremur mismunandi aðferðum og aflað þannig ríkissjóði rúmlega 130 ma. kr. Þá hefur stofnunin leitt sameiningar fjögurra sparisjóða inn í Landsbankann hf.,“ segir Bankasýslan. Þá segir að í skýrslu drögunum hafi ekki komið fram hvaða atriði eða ákvarðanir í ferlinu hafi ekki verið í samræmi við eigendastefnu ríkisins fyrir fjármálafyrirtæki. Því skorti tengsl á milli efnislegrar umfjöllunar um hlutverk og ákvarðanir stjórnvalda og hvað hafi farið úrskeiðis í ferlinu að því leyti. Telur sig hafa upplýst þingnefndir með fullnægjandi hætti Önnur ábending Ríkisendurskoðunar snýr að því að tryggja þurfi fullnægjandi upplýsingagjöf og gagnsæi gagnvart þeim þingnefndum sem fjalla um fyrirhugaðar sölur á eignarhlut ríkisins í fjármálafyrirtækjum. „Bankasýsla ríkisins tekur undir þessa ábendingu, enda telur stofnunin sig hafa upplýst þingnefndir með fullnægjandi hætti í ferlinu eins og gögn málsins benda til og bent hefur verið á í athugasemdum. Stofnunin áréttar að framkvæmd sölunnar 21.–23. mars sl. var með nákvæmlega sama hætti og henni var lýst í minnisblaði stofnunarinnar þann 20. janúar sl. og í kynningum fyrir þingnefndir þann 21. og 24. febrúar sl., eins og nánar hefur verið rakið hér að framan,“ segir í viðbrögðum Bankasýslunnar við ábendingunni. Verkefnið frábrugðið öðrum verkefnum ríkisins Því næst bendir Ríkisendurskoðun á að tryggja þurfi eftir fremsta megni að hlutlægni sé gætt við ákvarðanatöku við sölu á eignarhlutum ríkisins og að mat við úrlausn söluferla hvíli sem minnst á huglægum forsendum. Í því sambandi þurfi að gæta þess að viðmið um matskennda þætti séu skýr frá upphafi og eigi tilhlýðilega lagastoð. Bankasýslan tekur undir þau sjónarmið, enda hafi hafi ákvarðanir hennar verið vel rökstuddar með vísan í öll viðeigandi lög, eigandastefnu ríkisins fyrir fjármálafyrirtæki og ákvörðun fjármálaráðherra um söluna á hlut ríkisins í Íslandsbanka. „Aftur á móti verður jafnframt að hafa í huga, eins og ítarlega hefur verið rakið í athugasemdum stofnunarinnar, að þegar ráðist er í sölu á hlutum í skráðu félagi, og þá sérstaklega þegar óvissa ríkir á fjármálamörkuðum, er eðli þeirra verkefna sem um ræðir þannig að ógerlegt er að vita það fyrir fram hvaða þættir verði veigameiri en aðrir í endanlegri ákvörðun um útboðsverð, útboðsmagn og úthlutun til fjárfesta. Að því leyti er verkefnið frábrugðið mörgum öðrum verkefnum hins opinbera, m.a. þar sem um er að ræða hefðbundna sölu á eignum ríkisins,“ segir Bankasýslan. Fallast ekki á að gæta þurfi að hægt sé að skoða ákvarðanir eftir á Fjórða ábending Ríkisendurskoðunar snýr að mikilvægi þess að ákvarðanir séu skjalfestar og gagnsæi tryggt. Þar segir meðal annars að gæta þurfi að því að hægt sé að prófa ákvarðanir og framkvæmd sölu á eignarhlutum ríkisins í fjármálafyrirtækjum eftir á, bæði af almenningi og viðeigandi eftirlitsaðilum. Bankasýslan kveðst ekki geta tekið undir það með Ríkisendurskoðun og segir að texti hljóti að hafa misritast. Að öðru leyti tekur Bankasýslan undir þau sjónarmið að almennt sé mikilvægt að tryggja skráningu og gagnsæi í slíku söluferli. Slíkt sé ekki eingöngu í samræmi við góða stjórnsýsluhætti heldur byggi jafnframt á lögum. Sú hafi raunin verið í tilviki sölunnar á hlut ríkisins í Íslandsbanka. Bankasýslan hafi bent á á að framkvæmd sölunnar hafi verið í fullu samræmi við lög og reglur sem um hana gilda sem og lýsingu þar að lútandi í minnisblaði Bankasýslu ríkisins til fjármála- og efnahagsráðherra, greinargerð ráðherra, og í kynningum Bankasýslu ríkisins fyrir fjárlaganefnd og efnahags- og viðskiptanefnd sem og ákvörðun ráðherra. „Þá voru endanlegt söluverð og stærð eignarhlutarins ákveðin af ráðherra að undangengnu rökstuddu mati Bankasýslu ríkisins, samanber ákvæði laga um sölumeðferð eignarhluta ríkisins í fjármálafyrirtækjum, eftir að markaðsverðs var leitað, meðal annars í kjölfar markaðsþreifinga, samanber ákvæði laga um aðgerðir gegn markaðssvikum. Þetta kom fram í svörum Bankasýslu ríkisins til Ríkisendurskoðunar,“ segir Bankasýslan. Gættu í hvívetna að viðhafa góða viðskiptahætti Bankasýslan segir að við framkvæmd sölunnar hafi þess verið gætt í hvívetna að viðhafa góða viðskiptahætti, samanber ákvæði laga um Bankasýsluna og viðteknar venjur á verðbréfamörkuðum. „Staðreynd málsins er sú að Bankasýsla ríkisins hefur með málefnalegum rökum og vísan til gagna rökstutt sérhverja ákvörðun sem tekin var í söluferlinu. Lengra verður vart gengið í kröfum um ex post facto prófun og gagnsæi,“ segir Bankasýslan. Ex post facto prófun þýðir á íslensku prófun eftir á. Lagði sérstaka áherslu á orðspor ríkisins Að lokum benti Ríkisendurskoðun á að mikilvægt væri að fyrirbyggja hagsmunaárekstra og orðsporsáhættu. Við sölu á eignarhlut ríkisins í fjármálafyrirtæki geti sú tilhögun að viðkomandi fyrirtæki komi með beinum hætti að sölunni (sem umsjónaraðili, söluráðgjafi eða söluaðili) verið til þess fallin að grafa undan vægi lögbundinna sjónarmiða um jafnræði og hlutlægni. Áhætta vegna hagsmunaárekstra aukist sem og orðsporsáhætta ríkisins. Bankasýslan tekur undir þetta, enda hafi hún í allri sinni framkvæmd lagt sérstaka áherslu á orðspor íslenska ríkisins sem eiganda og seljanda í þeim útboðum sem stofnunin hefur séð um fyrir hönd ráðherra, eins og nánar hefur verið rakið í athugasemdum stofnunarinnar af þessu tilefni. „Bankasýsla ríkisins tekur einnig undir að fyrirbyggja þurfi hagsmunaárekstra og má til viðbótar við þær röksemdir sem hér hafa verið raktar benda á að hún fékk til starfa sjálfstæðan fjármálaráðgjafa við úrlausn verkefnisins,“ segir Bankasýslan að lokum.
Salan á Íslandsbanka Íslenskir bankar Stjórnsýsla Íslandsbanki Alþingi Tengdar fréttir Íslandsbankaskýrslunni enn og aftur frestað Afhendingu á skýrslu Ríkisendurskoðunar um sölu ríkisins á hlut í Íslandsbanka hefur verið frestað á ný. Til stóð að afhenda skýrsluna fyrir helgi en ekkert verður úr því. 31. október 2022 12:40 Hagnaður upp á 7,5 milljarða hjá Íslandsbanka Hagnaður af rekstri Íslandsbanka á þriðja ársfjórðungi 2022 nam 7,5 milljörðum króna. Hreinar vaxtatekjur jukust um 28,7 prósent milli ára. Kostnaðarhlutfall bankans lækkaði úr 39,4 prósentum í 36,3 prósent. 27. október 2022 20:58 Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Kaupfélagið á bak við risaviðskipti í Iceland Seafood Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Sjá meira
Íslandsbankaskýrslunni enn og aftur frestað Afhendingu á skýrslu Ríkisendurskoðunar um sölu ríkisins á hlut í Íslandsbanka hefur verið frestað á ný. Til stóð að afhenda skýrsluna fyrir helgi en ekkert verður úr því. 31. október 2022 12:40
Hagnaður upp á 7,5 milljarða hjá Íslandsbanka Hagnaður af rekstri Íslandsbanka á þriðja ársfjórðungi 2022 nam 7,5 milljörðum króna. Hreinar vaxtatekjur jukust um 28,7 prósent milli ára. Kostnaðarhlutfall bankans lækkaði úr 39,4 prósentum í 36,3 prósent. 27. október 2022 20:58