Landsliðsglugginn stendur yfir dagana 19.-26. febrúar og leikur Ísland sinn fyrri leik í Laugardalshöllinni gegn Ungverjalandi fimmtudaginn 22. febrúar kl. 19:30. Síðari leikurinn er í Istanbúl gegn Tyrklandi, sunnudaginn 25. febrúar kl. 13 að íslenskum tíma (kl. 16 að staðartíma ytra). RÚV mun sýna báða leikina beint.
Ísland er í B-riðli með Tyrklandi, Ítalíu og Ungverjalandi og fara þrjú efstu liðin áfram á lokamót EM haustið 2025 sem haldið verður í fjórum löndum, í Finnlandi, Lettlandi, Póllandi og á Kýpur. Úrslitin fara svo fram í Póllandi.
Næstu landsliðsgluggar verða í nóvember 2024 og febrúar 2025.
Uppselt varð á leikinn í síðustu viku og ljóst að það er mikill áhugi og stemnning fyrir leiknum.
Kjóstu Kristalsleikmanninn, þann leikmann íslenska landsliðsins sem þú telur að muni standa sig best í leiknum.
