Fótbolti

Sjáðu Meistara­deildar­mörk vikunnar

Ingvi Þór Sæmundsson skrifar
Karim Adeyemi skorar eina mark leiks Borussia Dortmund og Chelsea.
Karim Adeyemi skorar eina mark leiks Borussia Dortmund og Chelsea. getty/Fantasista

Sextán liða úrslit Meistaradeildar Evrópu hófust í vikunni. Fimm mörk voru skoruð í fyrstu fjórum leikjum sextán liða úrslitanna.

Í gær sigraði Borussia Dortmund Chelsea, 1-0, á Westfalen leikvanginum. Karim Adeyemi skoraði eina mark leiksins eftir skyndisókn á 63. mínútu.

Benfica gerði góða ferð til Belgíu og vann Club Brugge, 0-2. Joao Mario kom portúgalska liðinu yfir með marki úr vítaspyrnu á 51. mínútu. Tveimur mínútum fyrir leikslok bætti David Neres öðru marki við.

Klippa: Dortmund 1-0 Chelsea og Club Brugge 0-2 Benfica

Báðir leikir þriðjudagsins enduðu með 1-0 sigri. AC Milan sigraði Tottenham á San Siro með marki Brahims Díaz og Bayern München bar sigurorð af Paris Saint-Germain á útivelli. Kingsley Coman skoraði gegn sínum gömlu félögum.

Klippa: Milan 1-0 Tottenham og PSG 0-1 Bayern

Mörkin úr Meistaradeildarleikjum vikunnar má sjá hér fyrir ofan.

Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið