Tesla kallar inn þúsundir bíla vegna hættulegrar sjálfstýringar Kjartan Kjartansson skrifar 17. febrúar 2023 08:29 Elon Musk, eigandi Tesla, hefur haldið því fram að sjálfstýringarbúnaður hans sé öruggari en mennskir ökumenn og að ökumenn þurfi nánast aldrei að taka við stjórn bíla sem eru búnir henni. AP/David Zalubowski Rafbílaframleiðandinn Tesla ætlar að kalla inn á fjórða hundrað þúsunda bifreiða með svonefndri fullri sjálfstýringu. Kerfið hefur reynst óáreiðanlegt við gatnamót og fylgir ekki alltaf hraðatakmörkunum. Innköllunin er sögð hluti af umfangsmeiri rannsókn bandarískra samgönguyfirvalda á sjálfstýringarkerfi Tesla. Þau þrýstu á fyrirtækið að kalla inn 363.000 bifreiðar með kerfinu í gær, að sögn AP-fréttastofunnar. Um 400.000 Tesla-bifreiðar eru búnar sjálfstýringunni sem fyrirtækið er enn að prófa sig áfram með. Kerfið hefur meðal annars ekið bílum beint yfir gatnamót jafnvel þótt þeir séu á beygjuakrein eða á gulu ljósi. Bílarnir nema stundum ekki alveg staðar við stöðvunarskyldu og þeir fylgja ekki alltaf hámarkshraða. Vegaöryggisstofnun Bandaríkjanna (NHTSA) segir að vandamál af þessu tagi komi upp við sjaldgæfar aðstæður. Tesla vildi ekki kalla inn bílana þar sem fyrirtækið segist ósammála greiningu stofnunarinnar á vandamálinu. Tesla á að bæta úr göllunum með hugbúnaðaruppfærslu á næstu vikum. Elon Musk, eigandi Tesla, tuðaði yfir að aðgerðin sé kölluð innköllun í færslu á samfélagsmiðli sínum Twitter í gær. Það væri tímaskekkja og hreinlega rangt að tala um hugbúnaðaruppfærslu sem innköllun. NHTSA hefur rannsakað sjálfstýringarbúnað Teslu frá því að ökumaður lést þegar hann ók bíl sínum undir tengivagn flutningabíls í Flórída í júní árið 2016. Önnur rannsókn var opnuð þegar Teslur byrjuðu að keyra á neyðarbíla í ágúst 2021. Að minnsta kosti fjórtán Teslum með sjálfstýringunni hefur verið ekið á neyðarbifreiðar. Einnig eru kvartanir undan því að Teslur geti nauðhemlað skyndilega án tilefnis til skoðunar hjá yfirvöldum. Tesla Innköllun Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Tveggja vikna tvíburasystrum vísað úr landi Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent POTS-samtök fá lögfræðing í málið: „Margir eru rúmliggjandi í dag“ Innlent
Innköllunin er sögð hluti af umfangsmeiri rannsókn bandarískra samgönguyfirvalda á sjálfstýringarkerfi Tesla. Þau þrýstu á fyrirtækið að kalla inn 363.000 bifreiðar með kerfinu í gær, að sögn AP-fréttastofunnar. Um 400.000 Tesla-bifreiðar eru búnar sjálfstýringunni sem fyrirtækið er enn að prófa sig áfram með. Kerfið hefur meðal annars ekið bílum beint yfir gatnamót jafnvel þótt þeir séu á beygjuakrein eða á gulu ljósi. Bílarnir nema stundum ekki alveg staðar við stöðvunarskyldu og þeir fylgja ekki alltaf hámarkshraða. Vegaöryggisstofnun Bandaríkjanna (NHTSA) segir að vandamál af þessu tagi komi upp við sjaldgæfar aðstæður. Tesla vildi ekki kalla inn bílana þar sem fyrirtækið segist ósammála greiningu stofnunarinnar á vandamálinu. Tesla á að bæta úr göllunum með hugbúnaðaruppfærslu á næstu vikum. Elon Musk, eigandi Tesla, tuðaði yfir að aðgerðin sé kölluð innköllun í færslu á samfélagsmiðli sínum Twitter í gær. Það væri tímaskekkja og hreinlega rangt að tala um hugbúnaðaruppfærslu sem innköllun. NHTSA hefur rannsakað sjálfstýringarbúnað Teslu frá því að ökumaður lést þegar hann ók bíl sínum undir tengivagn flutningabíls í Flórída í júní árið 2016. Önnur rannsókn var opnuð þegar Teslur byrjuðu að keyra á neyðarbíla í ágúst 2021. Að minnsta kosti fjórtán Teslum með sjálfstýringunni hefur verið ekið á neyðarbifreiðar. Einnig eru kvartanir undan því að Teslur geti nauðhemlað skyndilega án tilefnis til skoðunar hjá yfirvöldum.
Tesla Innköllun Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Tveggja vikna tvíburasystrum vísað úr landi Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent POTS-samtök fá lögfræðing í málið: „Margir eru rúmliggjandi í dag“ Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent