Sveindís lagði upp tvö er Wolfsburg komst í undanúrslit

Sveindís var í byrjunarliðið Wolfsburg í kvöld, en það voru þær Ewa Pajor og Svenja Huth sem sáu um markaskorun liðsins í fyrri hálfleik. Sveindís lagði upp bæði þessi mörk og staðan var 2-0, Wolfsburg í vil, þegar liðin gengu til búningsherbergja.

Marina Hegering skoraði svo þriðja mark Wolfsburg um miðjan síðari hálfleik áður en Jule Brand gerði endanlega út um leikinn á 88. mínútu.

Niðurstaðan því öruggur 4-0 sigur Wolfsburg og liðið er á leið í undanúrslit þýsku bikarkeppninnar.