Helvítis snakkfiskrétturinn fyrir 6 manns
- 800 gr langa
- 2 msk olía
- 1 poki kartöfluflögur með papriku
- 1 poki rifinn ostur
-
Salt
-
Pipar
Sósa á fisk:
- 2 rauðar paprikur
- 1 blaðlaukur
- 3 sellerístönglar
- 1 laukur
- 2 hvítlauksrif
- 300 ml rjómi
- 3-4 msk hveiti
- 100 ml ananassafi
- 100 ml hvítvín
- Safi úr einu lime
- 1 msk olía
- 2 msk smjör
- ½ msk oregano
- ½ búnt graslaukur
- ½ búnt kóríander
- 1 msk tómatpurré
- ½ tsk túrmerik
- ½ tsk karrý
- Salt
- Pipar
Aðferð:
- Skerið fiskinn í bita og steikið á pönnu samkvæmt uppskrift í myndbandi. Munið eftir salti og pipar.
- Raðið fiskinum í eldfast mót.
- Skerið grænmetið og kraumið í smjöri, olíu, oregano, túrmerik, karrý, salti og pipar. Stráið hveitinu yfir og hellið ananassafa, rjóma, tómatkrafti, hvítvíni, limeberki og safa saman við. Bætið pínu vatni við ef þetta er mjög þykkt. Salt og pipar. Látið krauma í 10 mínútur.
- Hellið blöndunni yfir fiskinn, og yfir réttinn er svo settur rifni osturinn sem hefur verið blandaður með muldu kartöfluflögunum.
- Bakið fiskinn í 15-20 mínútur á 180°C á blæstri.
- Sjóðið basmati hrísgrjón með smá salti og túrmerik á hnífsoddi.
Ívar Örn Hansen er Helvítis kokkurinn sem kennir ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og koma þeir inn vikulega.
Hægt er að sjá alla þættina hér á Vísi.
