Lífið

Kærastan fegin að hafa kynnst Patrik fyrir Prettyboitjokko

Svava Marín Óskarsdóttir skrifar
Patrik og Friðþóra eru sannarlega glæsilegt par. Patrik verður 29 ára á árinu en Friðþóra er 22 ára.
Patrik og Friðþóra eru sannarlega glæsilegt par. Patrik verður 29 ára á árinu en Friðþóra er 22 ára. Patrik Atlason

Tónlistarmaðurinn og poppstjarnan Patrik Atlason, þekktur undir listamannanafninu Prettyboitjokko, og Friðþóra Sigurjónsdóttir eru eitt heitasta par landsins. Ást þeirra hefur blómstrað síðan þau byrjuðu að slá sér upp í síðbúinni sumarást í fyrra.

Patrik varð landsþekktur í mars með smellinum Prettyboitjokko og hafði þá verið lofaður í hálft ár. 

„Hún var með mér áður en þetta allt byrjaði og ég sagði henni að ég ætlaði að vera poppstjarna Íslands,“ segir Patrik og heldur áfram:

„Hún viðurkennir stundum að þurfa aðeins að kyngja þessum breytingum. En hún og fjölskyldan hennar eru fegin að hafa fengið að kynnast mér áður en þetta byrjaði allt.“

Að sögn Patriks hefur líf hans umturnast með tilheyrandi athygli og annasömum dögum. 

„Það er mjög gaman, bara geggjað,“ segir Patrik um það hvernig poppstjörnulífið fari í hann.

Patrik hefur bersýnilega í nógu að snúast þessa dagana og skrifaði nýverið undir nýjan umboðsmannssamning við athafnakonuna Birgittu Líf Björnsdóttur eins og fjallað var um í Veislunni með Gústa B á dögunum.

Patrik gaf út sína fyrstu smáskífu á dögunum undir nafninu Prettyboitjokko eftir samnefndum smelli. 

Platan inniheldur fimm lög en útsetningarstjórinn og lagahöfundurinn Ingimar Birnir Tryggvason er maðurinn á bakvið tónlistarmanninn.

Ástin og lífið Tónlist

Tengdar fréttir

Prettyboitjokko grátbað um annað lag

Tónlistarmaðurinn Prettyboitjokko hefur skotist hratt upp á stjörnuhimininn undanfarið. Fyrst með samnefndu lagi, Prettyboitjokko, sem hann frumflutti í mars síðastliðnum, en í gær kom svo út fyrsta smáskífan. Listamaðurinn, sem heitir réttu nafni Patrekur Atlason, tók sér sviðsnafnið í upphafi ferils síns.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.