Liðin í fjórða og fimmta sæti deildarinnar mættust í gær þegar FH tók á móti HK í 9. umferð Bestu deildar karla. Eftir spennandi leik þar sem mörkunum rigndi þá sigruðu heimamenn í FH 4-3.
KR hafði betur í öðrum deildarleiknum sínum í röð og þriðja leiknum alls er liðið tók á móti Stjörnunni á Meistaravöllum í Vesturbænum. Lokatölur 1-0 og KR-ingar eru nú aðeins einu stigi frá efri hluta deildarinnar.
Eyjamenn máttu þola sitt fimmta deildartap í röð er liðið heimsótti Fylki. Lokatölur 2-1 og Fylkismenn eru farnir að nálgast efri hluta deildarinnar.
