Hetja West Ham: Ég er svo hamingjusamur

Það stefndi allt í framlengingu í leiknum í kvöld en Bowen slapp í gegnum vörn Fiorentina á lokamínútu leiksins og kláraði færi sitt frábærlega framhjá Pietro Terracciano í marki ítalska liðsins.

Bowen var vitaskuld hæstánægður þegar hann ræddi við BT-sport í leikslok.

„Augljóslega dreymdi mig um að skora en að skora sigurmarkið á síðustu mínútunni. Það er það sem þú segir að þið langi alltaf að gera. Að gera það fyrir framan þessa stuðningsmenn. Ég hélt ég myndi fara að gráta, ég er bara hamingjusamur,“ sagði Bowen eftir leik en hann hefur verið leikmaður West Ham síðan árið 2020.

„Við áttum draum, við höfum ekki verið upp á okkar besta á tímabilinu og ég er þar meðtalinn, en að geta gefið stuðningsmönnunum þetta augnablik. Ég er í sjöunda himni.“

Sigurmark Bowen kom þegar hann slapp í gegnum miðja vörn Fiorentina á lokamínútu leiksins.

„Ég held að í minni stöðu þá getur þú tekið þetta hlaup tíu sinnum og fengið boltann kannski í eitt skipti. Um leið og maður fær tækifærið verður maður að nýta það.“

„Mér hefur aldrei liðið svona á ævinni. Þetta er stærsti leikurinn á mínum ferli. Tilfinningarnar, það var tími fyrir eitt færi. Ég er bara svo hamingjusamur, ég er í sjöunda himni.“

Hann sagði að það yrði mikið fagnað í kvöld en ólæti á milli stuðningsmanna liðanna í miðborg Prag setti svartan blett á aðdraganda leiksins.

„Ég er að hugsa um partýið í kvöld. Hlustaðu á það, hlustaðu,“ sagði Bowen að lokum.