Fyrstu laxarnir komnir úr Langá á Mýrum

Langá er eins og árnar á vesturlandi í frábæru júní vatni og við þau skilyrði gefa veiðistaðirnir fyrir neðan fossinn Skugga yfirleitt alltaf fyrstu laxana en í morgun voru komnir tveir á land. Fyrsti veiðistaður fyrir neðan Skugga er Strengir og þar geta bunkast upp lax þegar vatnið er gott. Þar fyrir neðan er svo hin rómaða Breiða en það voru einmitt þessir tveir veiðistaðir sem gáfu fyrstu laxana í morgun. Það eru nokkrir dagar síðan fyrstu laxarnir fóru í gegnum teljarann og staðan á teljaranum í morgun var 16 laxar gengnir í gegnum hann en síðan fer alltaf eitthvað upp fossinn þrátt fyrir nokkuð vatn. 

Það er eiginlega deginum ljósara að það verður gott vatn ánum, eða í sumum tilfellum rúmlega það ef það heldur áfram að vera jafn mikil rigning og undanfarna daga, í sumar og veiðimenn vona nú að næsta stórstreymi skili inn góðum gögnum af eins árs laxi. Eftir nokkur mögur ár eigum við það alveg inni að fá einn meðalár en "krossum fingur" værum þakklát fyrir aðeins meira en það.