„Ég held þú eigir ekki að sofa hjá öllum stelpum þó þú getir það“

„Ég hef hugsað mikið um þetta. Hún verður að vera heilbrigð. Hreyfir sig, reynir að borða hollt og er sjálfstæð,“ segir Beggi í hlaðvarpsþættinum Close Friends. Hann bætir við að honum þyki mikilvægt að pör verði ekki háð hvort öðru, heldur lifi sínu sjálfstæða lífi og mætist á miðri leið til njóta tilverunnar saman.

Aðspurður hvernig týpan hans sé útlitslega segist Beggi vera opinn fyrir öllu. 

„Hingað til hefur týpan mín verið ljóshærð, náttúrulega falleg. Af því sögðu hef ég verið að hitta dökkhærðar og rauðhærðar stelpur, svo ég er opinn fyrir öllu,“ segir Beggi.

Alltaf verið rassakarl

Í lok þáttarins er Beggi beðinn um að lýsa sambandinu hans við kynlíf. 

„Mér finnst kynlíf ótrúlega falleg athöfn þar sem þú ert að upplifa eitthvað sem þú getur ekki komið í orð. Falleg athöfn þar sem þú getur tengst manneskju á öðruvísi máta, það er skemmtilegt, gaman, gott og mikil nánd,“ segir Beggi. 

Spurður hvort „góðar júllur“ skipta hann máli segir Beggi: „Nei, ég er rassakarl.“

Í kjölfarið færist samtalið yfir í álit hans á skyndikynnum. 

„Ég þoli í rauninni ekki skyndikynni. Auðvitað geri ég það ef ég er að skemmta mér en langar að hafa áhuga á stelpunni svo að mig langar að sofa hjá henni. Ég er verða þrítugur, það er öðruvísi en þegar ég var tvítugur,“ segir Beggi og bætir við:

„Ég held að þú eigir ekki að sofa hjá öllum þó svo að þú getir það. Það eru ákveðin limit þar líka.“

Þáttinn má heyra í heild sinni hér að neðan:

Beggi er búsettur í Los Angeles í Bandaríkjunum þar sem hann er í doktorsnámi í sálfræði við Claremont Graduate University. Beggi er fyrirlesari auk þess hefur hann haldið úti hlaðvarpinu 24/7.  

Beggi og Hildur Sif Hauksdóttir, áhrifavaldur og raunveruleikastjarna voru saman um átta ára skeið áður en það flosnaði upp úr sambandi þeirra í byrjun síðasta árs. Hildur er hluti af raunveruleikahópnum LXS og er ný þáttaröð væntanleg á næstu dögum.